Publicacións

Mostrando publicacións desta data: 2022

RECOMENDACIÓNS DE VERÁN

 Un novo curso que remata e un ano máis onde vos achegamos algunhas recomendacións de lecturas e xogos de mesa para este verán que comeza xa. Agardamos que gocedes delas! Vémonos á volta. Feliz verán. Ratiña e Ratiño del

ENTREGA DE AGASAIOS

Imaxe
 Nestes días tivo lugar a entrega de diplomas e agasaios ao alumnado voluntario da bibliotec a neste curso pola súa gran labor e colaboración.  Tamén o alumnado máis lector tivo o seu recoñecemento pola cantidade de préstamos realizados durante o curso. Noraboa!

OBRADOIRO STEAM

Imaxe
 O alumnado de Educación Infantil, 1º, 2º e 3º de Educación Primaria gozaron na biblioteca dun obradoiro de programación, arte e música, chamado  "O instrumento mudo que se fixo un nó" , d a man de Afundación; espertando o interese pola ciencia, a tecnoloxía e o arte.

MAIO MES DAS LETRAS 2022

Imaxe
 Este ano, celebramos o Día da Letras Galegas rendindo homexe á figura de Florencio Delgado , a través de diversas propostas de actividades organizadas polo EDLG: - CONSULTAMOS MATERIAL :   durante todo o mes de maio, está a disposición dxs alumnxs diferentes referencias bibliográficas (e tamén recomendación de webgrafía como por exemplo http://seminariogalan.org/ ) que xiran en torno á vida e obra do autor. - ILUSTRAMOS A BIOGRAFÍA DO HOMENAXEADO: entre todas as aulas, facemos unha ilustración da súa biografía simplificada, a través da técnica do collage ou a fotomontaxe, para facer unha exposición no corredor. - XOGAMOS COS SEUS POEMAS: realizamos xogos a través dos seus poemas, completando os ocos que faltan de cada un. Ademais de completar o final de cada verso, o alumnado debe localizar o título do poema e colocalo sobre o poema correspondente, traballando de forma lúdica as súas creacións poéticas. - SOMOS POETAS DA AXENDA 2030: o homenaxeado inspirouse para moitos dos seus p

REXEITA TODA FORMA DE VIOLENCIA

Imaxe
Ratiño e Ratiña teñen preparado un novo stand cunha selección de recursos para incidir no compromiso como defensorxs da paz e o entendemento entre persoas de distinta procedencia, facilitando así un espazo na biblio como lugar facilitador do diálogo, o debate, a reflexión, a lectura crítica e o acceso á información, para promover a participación activa cara a unha sociedade máis xusta e igualitaria.  

DÍA INTERNACIONAL CONTRA O ACOSO ESCOLAR

Imaxe
 Rematamos os talleres que realizamos en todo o cole nesta conmemoración tan importante, da man de Alba Alonso Feijoo ( https://www.realkiddys.com/ ), a nosa super teacher!. Coñecemos o seu último conto "E ti... quen vés sendo?/Y tú... ¿Quién eres? , falamos sobre diversidade de xénero, violencia e bullying e ata rematamos facendo tambores, bailando e cantando ben alto ese "me da igual, me encanta"!!. Uns talleres nos que celebramos a diversidade e continuamos sembrando semilliñas para loitar contra o acoso escolar. Quedounos ben clariño quen somos...  Eu son...EU.

CLUB LECTOR

Imaxe
 Este curso volveu o Club Lector! nesta ocasión da man de alumnado voluntario de 6ºA e de 6ºB a través das obras "A señorita Bubble",  de Ledicia Costas (Editorial Xerais) e "A evolución de Calpurnia Tate",  de Jacqueline Kelly (Editorial Kalandraka). A través das súas reunións lectoras, foron descubrindo estas dúas obras que ben seguro deixaron pegada nos/as nosos/as lectorxs.

A DIVERSIDADE NON É UN CONTO

Imaxe
A vindeira semana o noso alumnado ten unha cita moi especial coa escritora (e a nosa teacher) Alba Alonso Feijoo para realizar a presentación do seu último libro " E ti, quen vés sendo?", aproveitando dúas datas tan importantes como a Semana do Libro (18-22 de abril) e o Día Internacional Contra o Acoso escolar (2 de maio) para realizar esta actividade. Unha presentación onde, ademáis de coñecer aspectos e labores tan importantes que ten que levar a cabo un/uhna escritor/a, abordaremos a temática do bullying en forma de charla-obradoiro. Durante 3 días, por aulas gozarán deste encontro coa escritora (e que aquí vos mostraremos). Porque cando traballamos a diversidade (tamén a diversidade de xénero) como a valía que é e todo o que pode aportar, o acoso non terá cabida nos nosos centros. Porque a diversidade non é un conto. Ven e que cho conten!

NOVIDADES

Imaxe
Presentamos as novidades que xa podedes atopar na biblioteca, nesta ocasión seleccionadas para as conmemoracións próximas do inicio do mes de maio: 1 de maio: Día do Cómic 2 de maio: Día Internacional Contra o Acoso Escolar Agardamos que vos gusten!