A NOSA ROSALÍA
![Imaxe](https://blogger.googleusercontent.com/img/b/R29vZ2xl/AVvXsEgjr645gpeSEPl9PXdUE7GnClrqItCRzGtJY5b8WmtxBdB0RTELOpTVJXrtNPLIaiUf-BoS0cD-2Tr5W38WPGgqKw07jBeLBlhSpFQ1izHo6yZdb83qvsa8lo3sFJlJAQlvDt3YYRN1mP-avpMNt7QxRkz-Zt45SHE9oiG_lURb4UfNo6tKKCNokV6n/w400-h300/IMG-8688.jpg)
Hoxe, 23 de febreiro conmemoramos o día de Rosalía de Castro . Este ano queremos resaltar o seu amor polas paisaxes galegas, dise dela que foi unha das grandes poetas da paisaxe, e así coa súa axuda animar ao noso alumnado a descubrir e coñecer mellor as herbas, plantas ou árbores que nos rodean, porque a mellor maneira de coidar o noso planeta é se primeiro descubrimos a súa beleza e aprendemos a apreciala e desfrutala para despois involucrarnos en preservala. Para isto preparamos na biblioteca unha serie de actividades inspiradas no libro “Nasín cando as prantas nasen, O herbario de Rosalía de Castro” creado e publicado pola Fundación Rosalía de Castro, onde se recollen da súa obra todas as referencias a plantas ou flores concretas e termos xenéricos coma “Herbas do campo florido” ou “Herbiñas do campo santo” , ilustradas todas elas con fermosas fotografías. Por suposto entre as flores máis mencionadas sobresae a rosa , que triplica en número a segunda planta máis presente, o