UN RATO NA BIBLIOTECA

Con motivo da Semana da Ciencia e a conmemoración do Día Contra a Violencia de Xénero , recibimos a visita de Isabel Blanco para presentarnos o seu libro “Galegas na Ciencia” , coa finalidade de promover a loita contra a violencia e a investigación científica sen barreiras de xénero. Galegas na Ciencia é un libro sobre 20 mulleres galegas científicas pioneiras, un libro coa intención de animar ás novas xeracións a perseguir os seus soños sen importarlles o que os demais pensen. É un libro que axuda a romper estereotipos de xénero e abre as portas das ciencias a homes e mulleres por igual. A obra ensalza a galeguidade: mulleres cuxas vidas profesionais se desenvolveron fortemente vencelladas a Galicia. Todas atravesaron as portas do mundo científico e tecnolóxico e o fixeron a pesar dos obstáculos e, en ocasións, das burlas e dos desprezos. O esceario cronolóxico do libro enmárcase desde o século XVIII ata o ano 1948. Este libro é homenaxe e alento, é memoria e presente, e sobre todo é

 

O 20 de novembro celebramos o Día Universal da Infancia , poñendo en valor os seus dereitos, recollidos na Convención sobre os Dereitos dx nenx en todo o mundo (aprobada como tratado internacional de dereitos humanos o 20 de novembro de 1989 ). Conectando estes dereitos cos Obxectivos de Desenvolvemento Sostible da Axenda 2030, dende a biblio propoñemos ao noso alumnado, infancia pola que traballamos día a día, a posibilidade de expresarse con respecto a un dos seus dereitos fundamentais: a protección e coidados necesarios para o seu benestar, incluindo o medioambiente.  A proposta inclúe a visualización dun video "Con mascarilla, pero non silenciados", de Unicef, así como diferentes útiles para poder expresarse escribindo nas cristaleiras da biblioteca e deixando as súas propostas e opinións expostas para toda a comunidade educativa.  Unha oportunidade para darlles voz e voto nun dos seus dereitos, recoñecendo a importancia do seu papel proactivo na transformación do mundo.

A nosa Bibliopatio xa volve estar en pleno funcionamento!  Este carriño tan xeitoso paséase dous días á semana no momento de recreo no patio de Educación Primaria, ofrecendo lecturas para quen queira gozalas, a solas o en compañía, nestes momentos de ocio e lecer, fomentando así o hábito lector tamén no noso entorno máis lúdico e libre.

 As nosas primeiras mochilas viaxeiras xa votaron a andar polas casas, cheas de diversos fondos e recursos da biblio como narrativa nas diferentes linguas (castelán, galego e inglés), cómic, emocións... Ademais, tamén levan no seu interior unhas propostas relacionadas co noso Proxecto Documental Integrado de centro "Estamos Aquí", en forma de experimento e creación artística , contribuíndo así a algúns dos obxectivos de desenvolvemento sostible da Axenda 2030. Boas lecturas!!

Todas as aulas dispoñen dunha sesión semanal dentro do seu horario lectivo para asistir á biblio e realizar diversas actividades (lectura individual e compartida, goce das novidades, búsqueda de información, creación de contidos, xogo e manipulación, recuncho maker, recuncho TIC...). Así é unha sesión calquera nun aula de E. Infantil.  

 Próximas novidades na biblio a partir do luns día 8! Agardamos que gocedes moito delas.

A semana pasada, coa apertura da biblioteca, coñecemos o proxecto de centro deste curso a partir do descubrimento dunha caixa con contido audiovisual, gráfico e escrito para motivar a todo o noso alumnado: textos escritos e adaptados en pictogramas que tiñamos que emparellar coas fotografías correspondentes e un código QR cun enlace ao seguinte video: Tras a visualización deste, rematamos a sesión coa  rutina de pensamento VEXO-PENSO-PREGÚNTOME que nos levou a plantexarnos moitas preguntas, as cales agardamos ir dándolles resposta dende a nosa propia implicación. E tamén firmamos os nosos contratos para un bo uso da biblio. A Axenda 2030 é unha tarefa urxente e tentaremos contribuir aos obxectivos de desenvolvemento sostible, principalmente aos relacionados cos problemas ambientais e cambio climático a través dun proxecto plural, democrático e solidario. Porque para iso ESTAMOS AQUÍ!