UN RATO NA BIBLIOTECA

 Esta semana o Equipo de Apoio á Biblioteca Escolar quixemos, como cada ano, facer o merecido agradecemento e recoñecemento ao alumnado vinculado á biblioteca escolar ao longo de todo o curso. Por iso, todo o cole xuntámonos no Espazo de Reflexión do mesmo para homenaxear a través dun pequeno acto de entrega de diplomas e agasaios ao equipo de voluntariado da biblioteca , aos participantes do Club Lector e aos 10 máis lectorxs do curso. En primeiro lugar, o  alumnado de 6º curso recibiu un pequeno obsequio pola súa participación e contribución no Club de Lectura realizado coa obra "A Evolución de Calpurnia Tate" (Kalandraka) . Porque cada libro que abrimos é unha porta aberta á imaxinación e ao coñecemento e estamos emocionadxs por compartir neste curso este camiño con vós. Por outra banda, ao Equipo de Voluntariado de 5º e 6º démoslle  o noso máis sincero agradecemento por todo o traballo e compromiso que dedicaron á biblioteca escolar.  O voso esforzo e dedicación son

 Ao longo deste curso, todas as aulas estivemos traballando conxuntamente na realización do conto viaxeiro, unha das actividades máis emocionantes que levamos realizando varios cursos. E... ¿que é un conto viaxeiro? É un proxecto colaborativo no que o alumnado (neste caso cada aula do cole) contribúe coa súa propia parte á historia. A medida que o conto se desenvolve, os protagonistas embarcan nunha viaxe que nos leva a diferentes lugares e acontecementos. Pero, ¿por que é tan importante levar a cabo esta actividade? Aquí van algunhas razóns: Fomenta a creatividade: Participar nun conto viaxeiro dá as ás á nosa imaxinación, axudándonos a desenvolver a nosa capacidade de pensar. Mellora a escritura e a lectura: Ao escribir a cadansúa parte do conto, o alumnado mellora a súa habilidade para redactar e expresarse oral e por escrito. Ademais, á medida que leen as contribucións dos e das compañeiras, amplían o  vocabulario e a comprensión lectora. Conecta coñecemen

  Con motivo da Semana do Libro , que xa mostramos en entradas anteriores, durante todo o mes de abril a Bibliopatio encheuse de música grazas ao noso alumnado que quixo compartir as súas destrezas musicais.  Neste Podcast podedes escoitar unha pequena mostra de todo o talento musical que temos no cole.

Na Semana das Letras Galegas (15-19 de maio) as horas de ler convertéronse en letras e notas musicais  dando lugar a pequenos concertos didácticos da man do noso alumnado: Ian, Gorka, Iván (6º); Mar, Martina, Saúl, Hugo, Xián, Antonio Quinto, Évolet (2º); Lucas, Gema, Gabriel García, Inés e Aaron (3ºA). Ademais, tivemos sorpresa final! Imaxinades qué pode ser? pois mirade, mirade... SORPRESAAAAAAA!!!!

 Compartimos as últimas novidades deste curso expostas no estante das mesmas. Agardamos que gocedes delas no tempo de biblioteca ata que o próximo curso estén dispoñibles para préstamo. Ata pronto!

 Aproveitando o valor pedagóxico e social das saídas, este venres 19 de maio, con motivo da celebración das Letras Galegas, todo o cole achegámonos á nosa contorna máis próxima para gozar do espectáculo visual "Con area cousas debuxo", no que o artista mosense Marcos Escudero contounos contos, historias do pobo galego e das nosas letras a través da técnica sand painting ou pintura sobre area, acompañado de música e narrativa. Este espectáculo visual con area e luz fusiona varias técnicas (sombras chinas, cómic, animación...) para contarnos historias a través das imáxenes que crea con area sobre o cristal dunha caixa de luz. As historias crean vida propia e o artista introduce variacións para personalizalos e adaptalos ao público. Os debuxos aparecen e desaparecen, a través de movementos e cambios máxicos que os transforman. Toda unha marabilla!. Despois do espectáculo, tivemos unha xornada de convivencia no entorno do Pazo de Mos e voltamos ao cole xunto cos nosos padriños e

 Nesta semana na que festexamos as Letras Galegas , levamos a cabo os apadriñamentos lectores que tanto nos gustan ano tras ano. As aulas do alumnado máis maior apadriñaron ás dos máis peques, coa finalidade non só de manter un tempo de lectura valorada e compartida, senón de seguir ampliando o desenvolvemento das nosas habilidades sociais e emocionais, fortalecendo o sentido de pertenza. Entre os beneficios desta proposta podemos destacar: fomento do hábito da lectura, mellora das habilidades de lectura, ampliación do repertorio literario, creación de comunidade... Primeiro tiveron un tempo para coñecerse, facerse preguntas, acordar un sitio do cole para este momento... e hoxe desenvolvéronse as lecturas na hora de ler, promovendo así unha cultura lectora no contexto escolar.