Publicacións

Novembro, Mes da Ciencia en Galego nas Bibliotecas: investigando o mar

Imaxe
 Durante o mes de novembro, a nosa biblioteca sumouse á iniciativa “Mes da Ciencia en Galego nas Bibliotecas” , unha proposta que promove o achegamento á ciencia a través da lingua galega, fomentando a curiosidade, a investigación e a comunicación do coñecemento. Nesta ocasión, cada aula converteuse nun pequeno equipo científico para investigar unha especie mariña en perigo de extinción . O alumnado buscou información, organizou os seus descubrimentos e preparou unha pequena investigación arredor de aspectos como o nome común e científico da especie, as súas características, o hábitat, a alimentación, a reproducción ou as ameazas que poñen en risco a súa supervivencia , entre outros datos curiosos. Como resultado deste traballo, cada grupo participante elaborou un pequeno podcast en galego , no que o propio alumnado comparte a información investigada e dá a coñecer a especie escollida. Para dar visibilidade a todas estas investigacións, o mapamundi da en...
Publicar un comentario
Ler máis

8M: UN MAR DE MULLERES

Imaxe
 Con motivo da conmemoración do 8 de marzo, Día Internacional da Muller , no centro iniciamos unha liña de traballo que continuará ao longo do que queda de curso baixo o nome de Mare Matria , unha proposta que dá continuidade ao noso proxecto Matria Téxtil e que nos invita a reflexionar sobre o vínculo entre as mulleres, o mar e o territorio que habitamos. Nesta primeira achega, partimos dun diálogo co alumnado arredor dun vídeo sobre mulleres no mar , abrindo espazos de reflexión sobre o seu papel na nosa historia e na nosa cultura mariñeira, así como sobre a necesidade de visibilizar traballos que durante moito tempo permaneceron en segundo plano. A semana completouse coa visita de dúas mariscadoras do noso entorno máis próximo, Rita e Nela , que compartiron co alumnado a súa experiencia vital e profesional. A través do seu testemuño puidemos coñecer mellor a realidade dun oficio fundamental: desde as duras xornadas de traballo no mar ata o proceso que continúa coa chegada ...
Publicar un comentario
Ler máis

A BIBLIOPATIO

Imaxe
 Un curso máis, a nosa Bibliopatio continúa enchendo de historias os recreos do patio de Primaria. Cada semana, esta bibliopatio converte o patio nun pequeno espazo de encontro cos libros. Durante os recreos, o alumnado pode achegarse, escoller un exemplar e dedicar uns minutos a ler, compartir historias ou simplemente deixarse levar pola imaxinación entre páxinas.  Con esta iniciativa, a biblioteca escolar segue a achegar os fondos ao alumnado e fomentar o gusto pola lectura en contextos naturais e distendidos , facendo da lectura unha experiencia presente en todos os recunchos da vida escolar. Porque ás veces, no medio do bulicio do recreo, un libro tamén pode ser un lugar onde parar, descubrir e soñar .
Publicar un comentario
Ler máis

INAUGURACIÓN DA NOSA RADIO ESCOLAR

Imaxe
Tal e como anunciabamos con motivo do Día Mundial da Radio , o pasado 27 de febreiro celebramos no centro un momento moi especial: a inauguración oficial da nosa Radio Escolar.   Para acompañarnos nesta xornada tivemos a honra de contar cunha convidada de excepción: a xornalista e escritora María Xosé Porteiro García , unha das voces máis recoñecidas do xornalismo galego e firme defensora da comunicación como ferramenta de pensamento crítico, igualdade e compromiso social. A mañá comezou cun encontro moi especial entre a nosa convidada e o Club de Podcast , que participou nunha sesión de mentoría na que o alumnado puido dialogar con ela sobre o oficio xornalístico, a responsabilidade informativa e o valor da palabra nos medios de comunicación.  Posteriormente tivo lugar o acto inaugural , no que vivimos un dos momentos máis emotivos da xornada: o descubrimento do nome da nosa sala de gravación , que desde ese día leva o nome de María Xosé Porteiro , como homenaxe á súa tra...
Publicar un comentario
Ler máis

DÍA MUNDIAL DA RADIO

Imaxe
 Co gallo do Día Mundial da Radio (13 de febreiro) , na Biblioteca Escolar queremos celebrar a forza da palabra, da comunicación e das historias que viaxan a través das ondas. E temos unha gran noticia… O vindeiro 27 de febreiro inauguraremos oficialmente a nosa Radio Escolar , un espazo de expresión, aprendizaxe e participación para o alumnado. Para ir abrindo boca, o Club de Podcast  publicou un episodio no que explican que se celebra este día e avanzan as novidades que están por chegar. Porque a radio non é só un medio de comunicación: é unha ferramenta educativa que fomenta a competencia lingüística, a alfabetización mediática (ALFIN), o pensamento crítico e o traballo colaborativo. A xornada de inauguración contará cunha convidada moi especial , que acompañará ao noso alumnado neste momento tan significativo. Haberá sesión de mentoría, gravación dunha entrevista… e algunha sorpresa máis. A radio está lista. Os micrófonos, preparados. E vos, seguide atentas e atentos…...
Publicar un comentario
Ler máis

NOVIDADES 2026

Imaxe
 A biblioteca segue medrando! Presentamos algunhas das novidades incorporadas este 2026 , pensadas para seguir alimentando a curiosidade, a imaxinación e o gusto pola lectura do noso alumnado. Ademais, con motivo destas datas, preparamos unha pequena selección de libros de Entroido  para mergullarnos tamén desde a lectura nesta celebración tan nosa. Porque cada novo libro é unha porta que se abre… e na biblioteca sempre hai unha agardando por ti.
Publicar un comentario
Ler máis

30 DE XANEIRO: PALABRAS QUE CONSTRÚEN PAZ

Imaxe
Con motivo da conmemoración do Día Escolar da Non Violencia e da Paz (DENIP) , a Biblioteca Escolar quixo sumarse activamente a esta data tan significativa converténdose, unha vez máis, nun espazo de reflexión e encontro. Durante a semana, púxose a disposición da comunidade educativa unha exposición de fondos bibliográficos relacionados coa paz, a convivencia, a resolución pacífica de conflitos e o respecto á diversidade , entendendo a lectura como ferramenta fundamental para educar na empatía e no pensamento crítico (ALFIN). Porque aprender a vivir en paz tamén se constrúe entre páxinas. Ademais, colaborando co  Equipo de Convivencia e Benestar do centro , desenvolveuse un acto conxunto no que o alumnado do Club de Convivencia Igualitaria explicou o significado desta data e lembrou que a paz é unha tarefa diaria que se constrúe con palabras, actitudes e decisións conscientes. O acto culminou cun desfile polo centro , no que cada aula amosou carteis con lemas a prol da paz, cone...
Publicar un comentario
Ler máis