UN RATO NA BIBLIOTECA

Co gallo do Día das Letras Galegas, o centro encheuse de palabras, creación e lingua compartida arredor da figura de Begoña Caamaño , homenaxeada de este ano. Desde o Equipo de Dinamización da Lingua Galega puxéronse en marcha diferentes propostas nas que o alumnado participou activamente, achegándose á autora dunha maneira creativa e significativa. Cada aula recibiu moedas simbólicas acompañadas de frases e palabras vinculadas ao universo de Begoña Caamaño, que o alumnado decorou e completou para crear, entre todas e todos, unha gran rede de “tesouros” construída con palabras, pensamento e lingua galega. O acto completouse cunha pequena exposición realizada por alumnado de sexto, achegando á comunidade educativa a vida e obra da autora. Desde a biblioteca escolar sumámonos tamén a esta celebración cunha selección de novidades en galego e cun espazo expositivo dedicado á homenaxeada , dando visibilidade ás súas obras e reforzando o valor da lectura en lingua galega como ferrame...

 Coincidindo coa celebración do Día do Cómic Gratis , que ten lugar cada primeiro sábado de maio para reivindicar o seu valor e fomentar a lectura de banda deseñada, na nosa biblioteca quixemos dedicar estes días ao mundo das viñetas e da creación gráfica. Así, o alumnado de 6º de Primaria participou nun obradoiro de creación de cómic da man de KAME (academia de cómic e debuxo de Vigo)  achegándose ao proceso creativo dunha banda deseñada e descubrindo recursos narrativos e visuais propios deste formato: a creación de personaxes, a expresión das emocións, os planos, o movemento ou a importancia da secuenciación das viñetas para contar historias. Unha experiencia que permitiu comprender que o cómic é moito máis ca entretemento: é tamén unha ferramenta de lectura, expresión artística e alfabetización visual que combina palabra e imaxe para estimular a creatividade e a imaxinación. Ademais, para seguir celebrando este mes entre viñetas, as primeiras novidades incorporadas á ...

 O mes de abril converteuse, un ano máis, nun tempo especial arredor da lectura no noso centro. Co gallo do Día do Libro (23 de abril) , desde a biblioteca escolar puxéronse en marcha diferentes propostas que convidan ao alumnado a ler, crear e compartir historias . Ao longo destas semanas, a biblioteca acolleu unha exposición de novidades , achegando ao alumnado novos títulos para seguir espertando o gusto pola lectura e descubrindo novos universos. Un dos momentos máis significativos foi a realización dos apadriñamentos e amadriñamentos lectores , nos que alumnado de diferentes idades compartiu lecturas, fortalecendo vínculos e convertendo a lectura nun acto compartido, onde ensinar e aprender camiñan da man. A palabra tamén viaxou a través da nosa radio, cun podcast elaborado polo alumnado de 1ºA , no que recitan o poema “Viajar es un placer” de Gloria Fuertes, achegando a poesía dun xeito próximo, expresivo e cheo de emoción. Ademais, durante as visitas á biblioteca,...

Na nosa Biblioteca Escolar seguimos apostando por dar vida aos fondos en galego e achegalos ao alumnado a través de pequenas propostas que convidan a descubrir, explorar e gozar da lectura. Unha delas é a iniciativa do “Libro do mes” , pola que cada mes realizamos unha selección destacada dunha obra en galego , co obxectivo de visibilizar os nosos fondos, espertar o interese lector e ofrecer novas oportunidades para achegarse á lectura na nosa lingua. Ao longo do curso, diferentes títulos foron ocupando este espazo, converténdose en protagonistas temporais da biblioteca e invitando ao alumnado a descubrir historias, personaxes e universos que medran en galego . As seguintes imaxes  recollen esa viaxe mensual pola lectura, unha mostra de como, pouco a pouco, seguimos construíndo hábitos lectores e fortalecendo o vínculo coa lingua a través dos libros. Porque cada libro recomendado é unha porta que se abre… e cada lectura en galego, un paso máis para sentir, pensar e medrar na n...

Hai historias que se len… e outras que se comparten, se pensan e se senten en compañía . Así nacen os nosos clubs de lectura , unha proposta que une lectura, reflexión e convivencia, estendéndose desde a biblioteca escolar ata as aulas. Durante os momentos da Hora de Ler , o alumnado participa en diferentes experiencias lectoras adaptadas ás súas idades: Por unha banda, en 5ºB , o club de lectura xira arredor da obra Wonder , unha lectura colectiva que permite traballar valores fundamentais como a empatía, o respecto e a aceptación da diversidade. A partir da historia, o alumnado desenvolve propostas de reflexión persoal —como a parte que máis me gusta de min ou aquilo que ás veces me gustaría ocultar —, convertendo a lectura nun espazo de expresión e autocoñecemento. Ademais, a experiencia complétase con pequenas creacións, como a elaboración de marcapáxinas empregando os recursos do programa Polos Creativos. Por outra banda, o alumnado voluntario de 6º de Primaria participa nun c...

No marco das accións de convivencia do centro, póñense en marcha os Patios tranquilos , unha proposta pensada para ofrecer ao alumnado de Primaria un espazo de lecer alternativo, máis calmado e adaptado ás diferentes necesidades, intereses e características de cada nena e neno. Durante o recreo, este espazo convértese nun lugar onde desfrutar do xogo tranquilo, afastado do ruído , favorecendo a inclusión, o benestar emocional e as relacións baseadas no respecto e na convivencia positiva. Os Patios tranquilos están dotados de recursos lúdicos e creativos , entre os que se inclúen materiais procedentes da biblioteca escolar, como xogos de mesa, pezas de construción Kapla e outras propostas que fomentan a imaxinación, a cooperación e o xogo compartido. Deste xeito, establécese tamén unha conexión coa biblioteca, que amplía a súa presenza no centro a través dos seus recursos, contribuíndo a crear novos espazos de aprendizaxe e lecer educativo máis alá da aula. Porque educar na conviv...