PRESENTACIÓN DO LIBRO "GALEGAS NA CIENCIA"

Con motivo da Semana da Ciencia e a conmemoración do Día Contra a Violencia de Xénero, recibimos a visita de Isabel Blanco para presentarnos o seu libro “Galegas na Ciencia”, coa finalidade de promover a loita contra a violencia e a investigación científica sen barreiras de xénero.

Galegas na Ciencia é un libro sobre 20 mulleres galegas científicas pioneiras, un libro coa intención de animar ás novas xeracións a perseguir os seus soños sen importarlles o que os demais pensen. É un libro que axuda a romper estereotipos de xénero e abre as portas das ciencias a homes e mulleres por igual.

A obra ensalza a galeguidade: mulleres cuxas vidas profesionais se desenvolveron fortemente vencelladas a Galicia. Todas atravesaron as portas do mundo científico e tecnolóxico e o fixeron a pesar dos obstáculos e, en ocasións, das burlas e dos desprezos.

O esceario cronolóxico do libro enmárcase desde o século XVIII ata o ano 1948. Este libro é homenaxe e alento, é memoria e presente, e sobre todo é saberse futuro.









Comentarios