UN RATO NA BIBLIOTECA

 Neste mes de novembro festexamos a chegada do outono e o magosto organizando unha esfollada no cole en colaboración coas familias, que nos ensinaron a esfollar e debullar millo. Tamén tivemos moitos xogos populares, cancións e bailes acompañados de gaiteirxs e pandereteiras, rematando coa degustación de castañas polo magosto. Con esta xornada de convivencia, o noso principal interese é pór en valor a nosa cultura galega, tradicións e festas típicas ademáis de mostrarlle ao noso alumnado que outro xeito de vida é posible, o do autoabastecemento, moito máis respectuoso co medio ambiente.  As familias participaron contándolle ao alumnado o uso que lle dan  ás diferentes partes da planta do millo, tanto agora como cando eran nenxs, como celebraban esta festa, que cancións cantaban...  De este xeito, celebramos tamén o mes da TRADICIÓN ORAL , pois todxs temos unha gran labor na preservación deste patrimonio inmaterial. Aquí deixamos unha mostra desta gran xornada!

 O pasado 24 de outubro celebramos o Día das Bibliotecas , abrindo, un curso máis, a nosa biblioteca, o noso espazo común para ler, aprender, descubrir, crear, expresar, socializar... Este día tamén se conmemorou o Día Internacional contra o Cambio Climático , tema no que traballamos arreo o curso pasado a través do PDI "Estamos Aquí", co cal continuamos de novo este curso para seguir concienciándonos e concienciando sobre a importancia de protexer ao noso planeta e poder contribuir así aos ODS da Axenda 2030, mediante as nosas accións. Nesta ocasión, continuamos incidindo nas 3R para dar comezo á primeira tarefa do curso, relacionada co tratamento dos residuos orgánicos: poñer en marcha no cole o compost. E para iso precisamos coñecer qué é, cómo facelo, por qué facelo e para qué facelo... Ao chegar á biblioteca, visualizamos un video introductorio para movilizar os nosos pensamentos e reflexionar en conxunto a través da rutina de pensamento VEXO-PENSO-PREGÚNTOME. Despois, ...

Coa reapertura da biblio neste novo curso, estas son as novidades que podedes atopar no estante das mesmas. Todas elas relacionadas coa temática do PDI de centro "Estamos Aquí" , co cal continuamos un curso máis para seguir contribuindo desde o local aos ODS da Axenda 2030. Axiña estarán nos estantes correspondentes para poder levalos de préstamo. Mentres, olládeos na biblioteca e gozade deles para lectura ou búsqueda de información.

Comezamos un novo CURSO 2022-23 cheo de emocións, aprendizaxes compartidas e moita ilusión! Ratiña e Ratiño xa están poñendo todo a punto para a apertura de portas da biblio o vindeiro luns 24 de outubro , coincidindo co "Día das bibliotecas escolares" e co "Día Internacional contra o Cambio Climático". Nesa mesma semana, teñen preparada unha actividade inaugural relacionada co PDI de centro "Estamos Aquí", co cal continuamos un curso máis para seguir contribuindo desde o local aos ODS da Axenda 2030. O servizo de biblioteca fóra do horario lectivo será de luns a venres de 16.00 a 17.15h para que tanto o alumnado como as familias soliciten o préstamo e/ou devolución de fondos. Esperámosvos!!

 Un novo curso que remata e un ano máis onde vos achegamos algunhas recomendacións de lecturas e xogos de mesa para este verán que comeza xa. Agardamos que gocedes delas! Vémonos á volta. Feliz verán. Ratiña e Ratiño del

 Nestes días tivo lugar a entrega de diplomas e agasaios ao alumnado voluntario da bibliotec a neste curso pola súa gran labor e colaboración.  Tamén o alumnado máis lector tivo o seu recoñecemento pola cantidade de préstamos realizados durante o curso. Noraboa!