25N: LATRINALIA CONTRA A VIOLENCIA DE XÉNERO

"Tira da cadea" é o nome do proxecto de Latrinalia Contra a Violencia de Xénero que estivemos levando a cabo, colaborando co Equipo de Convivencia e Benestar, este novembro con motivo do 25N.

Latrinalia é o arte do grafitti nos baños (as letrinas) e por iso nestes días, os nosos baños foron o escenario protagonista para facer as propostas. Porque queremos tirar toda a violencia de xénero polo retrete, queremos que ao tirar da cadea, todo o negativo e violeto desapareza...

O obxectivo desta actividade é tranformar espazos cotiáns en pantallas de concienciación, usando os nosos baños como murais para espallar mensaxes contra a violencia de xénero (ao contrario do que acostumamos ver escrito...).

Cada pincelada, cada palabra escrita, converteuse nun lembrete tanxible de que é fundamental loitar contra a violencia de xénero. A latrinalia permite que a arte sexa unha ferramenta para o cambio social, dando vida a mensaxes de igualdade, respecto, amor e solidariedade.

Así, os nosos baños transformáronse en galerías de arte, onde a creatividade se uniu á concienciación. As palabras escritas nas portas dos WC (primaria) e nas cristaleiras dos baños (infantil) non son simplemente tinta; son voces elevadas, clamando por un mundo onde todas as formas de violencia de xénero sexan erradicadas.

Nas imaxes pódese ver como o alumnado está deconstruíndo todas esas mensaxes de violencia e falta de respecto que as veces atopamos nos servicios públicos, por mensaxes de convivencia. Ademáis, tiramos da cadea con todos esos NON ás diferentes formas de violencia, as cales NON queremos.

Ademáis, compartimos o video rap "NON sexas random e tira da cadea", feito por alumnado de 5º e 6º de Primaria xunto coa teacher Alba, e presentado ao Concurso de imaxes gráficas e pezas audiovisuais contra a violencia de xénero (Xunta de Galicia).

O luns 27, o alumnado protagonista do video, presentou a todo o centro un manifesto contra a violencia de xénero, explicando ben alto e claro todo o significado da letra do seu videoclip. 

Esta é a infancia na que temos que confiar para que cambie o mundo; esta é a infancia que tira ben forte da cadea!