COLABORAMOS COA PROTECTORA DE ANIMAIS "OS BIOSBARDOS"
Un dos principais obxectivos do noso PDI deste curso "Seguindo as pegadas" é concienciar ao noso alumnado dos dereitos dos animais e do respecto e coidado de todos os seres vivos, desenvolvendo así a capacidade de poñernos no seu lugar, polo que, como parte do proceso final, estamos a colaborar coa protectora de animais "Os Biosbardos" (Ponteareas), unha asociación sen ánimo de lucro que pon o seu gran de area para intentar facer un mundo máis respectuoso co medio natural e social.
E para iso, precisamos de toda a vosa colaboración!
Os vindeiros 28 e 31 de maio, acudirán ao centro para ofrecer unhas charlas educativas a todo o noso alumnado, e nós podemos colaborar con eles doando comida de calquer tipo para cans e gatos (preferiblemente pienso para gatos e cans cachorros).
A data máxima será o luns 31 de maio, e podedes depositar as vosas doazóns na entrada do centro.
O alumnado está tan concienciado que algunhas aulas (como as de 4 anos), están facendo campañas de concienciación social, difundindo carteis e mensaxes polo cole, como estas:
Para máis información sobre outras maneras de colaborar co refuxio, podedes consultar a súa páxina web: http://protectoraosbiosbardos.org/
Os seus "peludiñxs" nolo agradecerán!!
Comentarios