DÍA INTERNACIONAL DA MULLER E A NENA NA CIENCIA

O 11 de febreiro conmemórase o Día Internacional da Muller e a Nena na Ciencia. A ONU estableceu este día para recoñecer o rol crítico que xogan as mulleres e as nenas na ciencia e a teconoloxía, coa finalidade de lograr o acceso e a participación plena e equitativa na ciencia e ademais para lograr a igualdade de xénero e o empoderamento das mulleres e as nenas.

 A ciencia e a igualdade de xénero son vitais para alcanzar os ODS,  incluidos na Axenda 2030.

Nesta liña, na biblio tivemos a visita de Mónica, do Instituto Español de Oceanografía, para promover a participación das mulleres no ámbito científico, en concreto, do seu papel na oceanografía, en consonancia co PDI de centro.

Dirixido ao alumnado de E.Infantil e primeiro ciclo de E.Primaria, falounos da importancia de protexer o noso medio, do seu rol no Oceanográfico de Vigo, da súa misión na Antártida, do avance a nivel social sobre o papel das mulleres científicas e en concreto, de Ángeles Alvariño, a primeira muller científica en traballar a bordo dun buque de investigación.

Aproveitamos para entregarlle persoalmente as cartas de gratirude pola Paz, pola súa importante labor no medio ambiente e nos nosos océanos.
 













Comentarios