UN RATO NA BIBLIOTECA

"Tira da cadea" é o nome do proxecto de Latrinalia Contra a Violencia de Xénero que estivemos levando a cabo, colaborando co Equipo de Convivencia e Benestar, este novembro con motivo do 25N. Latrinalia é o arte do grafitti nos baños (as letrinas) e por iso nestes días, os nosos baños foron o escenario protagonista para facer as propostas.  Porque queremos tirar toda a violencia de xénero polo retrete, queremos que ao tirar da cadea, todo o negativo e violeto desapareza... O obxectivo desta actividade é tranformar espazos cotiáns en pantallas de concienciación, usando os nosos baños como murais para espallar mensaxes contra a violencia de xénero (ao contrario do que acostumamos ver escrito...). Cada pincelada, cada palabra escrita, converteuse nun lembrete tanxible de que é fundamental loitar contra a violencia de xénero. A latrinalia permite que a arte sexa unha ferramenta para o cambio social, dando vida a mensaxes de igualdade, respecto, amor e solidariedade. Así, os no...

Agardamos que gocedes destas novidades as cales estarán dispoñibles para préstamo á volta das vacacións de Nadal. O noso Equipo de Voluntariado traballa arreo para axudar a dinamizar a nosa biblio. Aquí os podedes ver en plena acción, organizando estas novidades para todxs vós.

Neste curso, voltamos coa apertura dos recreos na biblio ! Todas as semanas, os luns, mércores e venres, o alumnado de Educación Primaria, pode gozar deste intre no espazo da biblio, acompañado cada día por compañeirxs de 5º e 6º de EP pertencentes ao Equipo de Voluntariado, quenes desenvolven unha gran labor. Neste momento, poden, desde pasar o tempo de lecer coa compañía dun bo libro ata gozar dos espazos de xogo, experimentación e creación. Tamén, ao longo do curso, levaranse a cabo propostas diversas, como poden ser obradoiros no espazo creativo, para dinamizar máis activamente este momento. Outra das propostas que segue en marcha e que se oferta todos os luns no patio de primaria é a Bibliopatio, un espazo ao aire libre onde o alumnado pode gozar da natureza mentres len, comparten ideas ou simplemente reláxase nun ambiente máis tranquilo.

No  Día Universal da Infancia, celebrado o pasado 20 de novembro, sumámonos á iniciativa de  ASEAF (Asociación Estatal de Acollemento Familiar) do DÍA DO PIXAMA , acudi ndo ao cole en pixama como simboloxía do dereito que ten toda a cativada a ter un fogar co seu "momento pixama" (quentiño, ao carón da familia, nun fogar que o quere e coida con agarimo). En coincidencia desta conmemoración co día do Acollemento Familiar (recollido baixo o lema “todo nenx ten dereito a medrar en familia” ) damos visibilidade á realidade que viven casi 17.000 nenxs en España que crecen en centros de acollida. O alumnado de sexto preparou un manifesto explicativo sobre esta data e sobre esta situación en cuestión, expoñéndoa en directo a todo o centro na hora de ler a través da radio escolar. Na biblio, ofertamos unha pequena exposición bibliográfica sobre a importancia e o dereito da infancia a ter unha familia, independentemente das súas características, respectando valor da mesma. Ademais, d...

 As primeiras novidades do curso están aquí! Xa podedes ollealas para que recorran despois as vosas casas. Felices lecturas

Na conmemoración do Samaín, en colaboración co equipo de Dinamización da Lingua Galega e o Equipo de Seccións Bilingües , levamos a cabo diversas actividades para festexar e vivenciar esta data.  Aquí deixamos unha pequena mostra delas: Presentación sobre a orixe do Samaín a cargo do alumnado de 6º de primaria , quen realizou unha presentación audiovisual para expoñer a todo o alumnado do cole no noso escenario de reflexión. Como xa é costume, en colaboración coas nosas familias tan participativas, tivemos a exposición de cabazas decoradas en relación coa temática do PDI, nesta ocasión con elementos de refugallo (evitando o exceso de consumo). Para nomear esta exposición, cada grupo aula adornou e personalizou unha letra coa temática axeitada para tal festividade, quedando así de terrorífica: Coa nosa auxiliar de conversa , Katie, realizamos diversos obradoiros e propostas de aprendizaxe relacionadas con esta data, onde tamén nos achegou a súa cultura. Así, o alumnado de infantil ...