Publicacións

Mostrando publicacións desta data: 2020

RECOMENDACIÓNS LECTORAS NADAL

Deixámosvos aquí as Recomendacións Lectoras para este Nadal, coas novidades e propostas interesantes da biblioteca para que podades gozar e compartir tempo de lectura nestas vacacións. Agardamos que vos gusten! BO NADAL E FELICES LECTURAS!

NESTE NADAL ADOPTA UN LIBRO

Imaxe
 Achégate á biblioteca nesta semana e adopta un máximo de dous recursos localizados nas caixas que atoparás no corredor de acceso á biblioteca.  Grazas a esta iniciativa, cada un dos libros expurgados tiveron unha nova vida nas mans do noso alumnado, deixando espazo nos estantes da biblioteca para os máis novos a actualizados.  Moi ledos e ledas foron para a casa cos libros elixidos por elxs para esta nova vida que volve a comezar.

NOVEMBRO: MES DA CIENCIA E DA INNOVACIÓN

Imaxe
Novembro foi o mes da Ciencia e a Innovación e dende o cole non quixemos deixar pasar esta oportunidade para organizar unha actividade que o alumnado desenvolveu na biblioteca na súa hora semanal asignada. A ciencia forma parte das nosas vidas, danos respostas para entender o mundo, explicar os cambios, buscar solucións...  Así, quixemos conmemorar esta data reflexionando sobre a súa importancia, tendo en conta e moi presente que a curiosidade e a investigación son aspectos que debemos manter latentes nos nosos centros e no noso alumnado,  Seguindo a temática do PDI de centro, na biblioteca apareceron uns exemplares de diferentes pegadas, acompañadas dunhas propostas para investigar e experimentar.  Ademais, dotouse un espazo diferenciado para expoñer novidades relacionadas cos animais, onde podían acudir para buscar información. Cada clase debía escoller unha das pegadas e investigar de que animal podía tratarse, así como experimentar coas propias pegadas mediante un experimento. Invi

NOVIDADES

Imaxe
Achegamos novidades relacionadas co PDI de centro "Seguindo as pegadas", as cales están nun expositor propio relacionado coa temática doa animais.   Así como outras novidades xerais, que xa podedes consultar nas vosas horas de biblioteca, e que axiña formarán parte dos andeis para poder levar de préstamo.

RETO CUBETTO

Imaxe
O pasado 24 de outubro celebrouse o Día das Bibliotecas Escolares, e para conmemorar esta data levamos a cabo na biblioteca nas seguintes semanas unha actividade/reto mediante a robótica, co robot Cubetto que forma parte do recanto creativo. Nesta actividade, o alumnado consigue o contrato que deberá asinar como compromiso para respectar as normas da biblioteca, levan a cabo unha formación de usuarios e da CDU e descubren o Proxecto Documental Integrado gañador tras as súas votacións telemáticas individuais. ¿Queredes saber cal é? pois mirade que nos contan Ratiña e Ratiño...

NOVIDADES NOVEMBRO

Imaxe

EXPOSICIÓN SAMAÍN

Imaxe
 Ratiño e Ratiña de biblioteca xa están preparados para contar historias de medo e votar a rir!  Esperámosvos na biblioteca para coñecer, contar, ler e gozar destas lecturas en tempos de Samaín.

SERVIZO DE PRÉSTAMO DE RECURSOS ÁS FAMILIAS

Imaxe
Este curso, e dada a situación e as restricións coas que contamos, de momento a nosa biblioteca permanecerá pechada en horario extraescolar, ata que a situación se resolva, pero dende o centro queremos fomentar o uso da mesma para poder seguir gozando dela.  Así, ademáis doutras actividades de dinamización e colaboración que iremos publicando, ofrecémosvos o SERVIZO DE PRÉSTAMO a través de peticións previas mediante o noso enderezo electrónico: bibliotecamestremartinezalonso@gmail.com.  Premando na imaxe que figura a continuación, podedes consultar o listado dos fondos dispoñibles para adultos e que poden ser do voso interese, os cales iremos ampliando conforme vaiamos obtendo novas adquisicións. Este enlace quedará recollido na barra lateral deste blog.

NOVIDADES

Imaxe
 Estas son as novidades que xa podedes atopar nos andeis correspondentes.

NOVO BUZÓN DE SUXESTIÓNS

Imaxe
 Familias, alumnado, mestres/as... Neste curso mudamos o noso buzón de suxestións físico por un virtual! A vosa opinión é moi importante, por iso invitámosvos a que nos acheguedes todas esas ideas, peticións de novos recursos, suxestións de actividades ... a través do correo electrónico da biblioteca (bibliotecamestremartinezalonso@gmail.com) , onde Ratiño e Ratiña estarán moi atentos para anotar e responder as vosas suxerencias. As achegas poden facerse en calquera  formato (escribir texto, imaxe/foto, audio, video...), tanto en horario escolar como extraescolar.

ABRIMOS AS NOSAS PORTAS. CURSO 2020-2021

Imaxe
Con moita ilusión, esta semana as portas da nosa biblioteca volven a abrirse, ainda que con certos cambios no funcionamento dos espazos e do emprego dos recursos. Estaremos abertos en horario lectivo para que todas as clases teñan o seu momento de biblioteca, así como de préstamo de aula e individual. Aquí vos deixamos as principais ideas do noso protocolo de acceso e uso da biblioteca:   Agardamos que a biblioteca escolar siga sendo un espazo de encontro, investigación e moitas lecturas! Poderedes ir accedendo as nosas novidades tanto a través de este blog, como das redes sociais do cole:  Twitter, Instagram e Facebook. Estade moi atentxs que axiña volveremos con novidades... "Sempre imaxinei que o paraíso sería un tipo de biblioteca" JL Borges FAGAMOS, ENTRE TODXS, QUE A NOSA BIBLIOTECA SIGA SENDO UN LUGAR MARABILLOSO.

RECOMENDACIÓNS LECTORAS VERÁN E DESPEDIDA FINAL

Imaxe
A piques de rematar o curso deste xeito tan pouco habitual, polas nosas xanelas xa se asoma o verán, o cal intentaremos aproveitar e desfrutar. Para iso, queremos compartir con vós unhas recomendacións para compartir este tempo de lecer con lecturas, xogos, música... Agardamos que vos gusten, e recordade mercar nas librerías e comercios máis próximos. Polo momento, á biblioteca pecha as súas portas coa ilusión de abrilas á volta e volver ver e sentir moita vida nela. Moitas grazas a todo o equipo de voluntarixs polo seu esforzo e implicación; aos mestres/as, alumnxs e familias polas vosas lecturas, investigacións e aventuras e a todo o Equipo de Biblioteca polo seu gran traballo e colaboración. Bicos e apertas virtuais! FELIZ VERÁN Ratiño e Ratiña. RECOMENDACIÓNS VERÁN 2019-2020

DEVOLUCIÓN DE MATERIAIS

Imaxe
AVISO IMPORTANTE! Para todo o alumnado do cole, lembrade achegar os libros e materiais da biblioteca que leváchedes como préstamo, así como as Mochilas Viaxeiras de cada clase que teña cada alumnx na casa. Por seguridade, están unhas caixas na entrada ao acceso ao corredor que leva á biblioteca para que deixedes o libro e as mochilas. Grazas pola colaboración!

XORNAL O PAPAGAIO. MES DE XUÑO

Unha nova e última entrega de este curso do xornal mensual O Papagaio. Podedes visualizalo ou descargalo no seguinte enlace:  XORNAL Agardamos que disfrutedes das novas!

A CITA EN GALEGO DE IAGO DE 5º DE EI

Imaxe
A Iago, con estos días tan bos, gústalle moito ler á sombra escoitando os paxariños. Este banco é o seu mellor sitio para ter a súa cita con "Carabuñas" e coa "Toupiña que quería saber quen lle fixera aquilo na cabeza".

ENQUISA DE VALORACIÓN DA BIBIOTECA ESCOLAR PARA FAMILIAS E ALUMNADO CURSO 2019-2020

A continuación presentámosvos a enquisa para familias e alumnado  de valoración da biblioteca escolar deste curso 2019-2020. O alumnado de infantil necesitará a axuda dunha persoa adulta. Para acceder á enquisa do alumnado antes hai que cubrir a da familia. Só é necesario cubrir unha por familia e filla ou fillo. De esta forma se nunha casa hai máis de unha filla/o, con que a cubran un é suficiente. Moitas grazas pola vosa olaboración Un saúdo, o equipo de apoio á bilbioteca escolar Cargando…

CITAS EN GALEGO

Imaxe
Aquí temos máis citas compartidas da man de  Amanda de 3ºB, que tivo unha cita con Rosalía de Castro e recítanos a súa poesía "Adiós ríos, adiós fontes". e  Oriol, de 3ºA, quen creou o seu propio cómic en galego.

CITAS EN GALEGO

Imaxe
Novas e interesantes citas en galego que tiveron: Brandán (1º EP), Ibai e Eric (3 anos A e B respectivamente) e Iago (1º EP).

LETRAS GALEGAS 2020

Imaxe
Nesta semana (11-15 de maio) conmemoramos a Semana das Letras Galegas , e cada 17 de maio, celebramos que en Galicia temos unha lingua e unha literatura propia. A través dela rememoramos o pasado, nomeamos o presente e construímos o futuro. Neste inusual mes de maio, a figura do homenaxeado nas Letras Galegas 2020, Ricardo Carvalho Calero ,  asómase á xanela sabendo que os nosos espazos permanecen abertos, desde a distancia. Queredes coñecelo mellor? pois para saber máis da súa contribución ao estudo da literatura galega, do seu maxisterio, do seu compromiso coa lingua, da súa poesía e teatro... prema na seguinte imaxe e accede a todo o seu contido. Podes imprimir documentos para facelos, acceder a eles en liña... só tes que elixir as axeitadas para a túa idade: E ainda que non podemos celebrar esta data tan sinalada no cole, non impedirá que podamos gozar con  contos: Prema na imaxe para acceder á lectura do conto de "Os bolechas, as miñas prime

MÁIS CITAS EN GALEGO

Imaxe
Eloy da clase de 1º e Carmen de 3º B comparten as súas citas cos seus soportes en galego: "Alicia no País das Marabillas" e "Vampira de biblioteca".

"UNHA CITA EN GALEGO" POR HUGO 1º

Imaxe
Hugo de 1º de EP tivo unha cita virtual en galego co conto "Nube Branca quere ser astronauta" , da editorial Baía Edicións, e así de ben preparouse para este momento 😍

XORNAL O PAPAGAIO. MAIO

Unha nova entrega do mes de maio que podedes visualizar e descargar directamente premando no enlace. Agardamos que disfrutedes moito co xornal. XORNAL O PAPAGAIO MAIO

UNHA CITA EN GALEGO

Imaxe
Gústanche as citas? pois durante este mes de Maio , e con motivo da conmemoración das Letras Galegas, invitámosvos a preparar unha cita moi especial. En qué consiste? elixe un TEXTO ESCRITO EN GALEGO, tanto en formato papel como electrónico (conto, libro, xornal, poesía...) co que queiras pasar un bo rato. Prepara con moito coidado este momento, elixindo un recuncho, caracterizándote se queres (vestimenta, maquillaxe, obxectos complementarios...) e dicándolle o tempo necesario. E comparte con Ratiño e Ratiña  e con todxs nós, este momento. Agardamos as vosas  fotos  no mail da biblioteca: bibliotecamestremartinezalonso@gmail.com indicando no asunto o voso nome, curso e título da obra coa que tiveches a túa cita. Faremos unha gran exposición neste blogue! Xa estás invitadx a ter unha cita cun texto que seguro que será moi importante, con moitas cousas por contarte e moitas cousas por aprender. Aceptas esta invitación? Estás preparadx para este encontro?