20N: DÍA UNIVERSAL DA INFANCIA
No Día Universal da Infancia, celebrado o pasado 20 de novembro, sumámonos á iniciativa de ASEAF (Asociación Estatal de Acollemento Familiar) do DÍA DO PIXAMA, acudindo ao cole en pixama como simboloxía do dereito que ten toda a cativada a ter un fogar co seu "momento pixama" (quentiño, ao carón da familia, nun fogar que o quere e coida con agarimo).
Na biblio, ofertamos unha pequena exposición bibliográfica sobre a importancia e o dereito da infancia a ter unha familia, independentemente das súas características, respectando valor da mesma.
Así, na etapa de Educación Infantil, levaron a cabo a actividade "O fogar dos pixamas", na que cada nenx meteu na caixa "fogar" un obxecto persoal relacionado coa súa familia ou entorno, explicando o motivo polo que é especial. Entre todxs, fixemos unha pequena exposición cos nosos obxectos na entrada do centro.
Na etapa de Educación Primaria levaron a cabo a actividade chamadas "A tea dos desexos", para construír a gran tea dos
desexos de todas a nenas e todos os nenos do centro e das súas familias, para outrxs nenxs.
Por un mundo onde se respecten e cumpran os dereitos da rapazada, recollidos na Convención das Nacións Unidas sobre os Dereitos do Neno/a.
No noso cole en consonancia cos ODS, demandamos un mundo mellor para a nosa infancia.
Comentarios