23 de decembro de 2019

16 de decembro de 2019

VISITAS CON EXPERIENCIAS

Tivemos unha visita especial, acompañounos Franco Cobas, pai da nosa profe de E.F., Susana, para compartir a súa experiencia tras a súa participación nas Olimpiadas de Roma no ano 1960, na categoría de remo.
Así, compartiu no espazo da biblio un tempo co alumnado de 1º e 2º falando sobre esta experiencia en primeira persoa, sobre os aros olímpicos, o acendido da antorcha, os xogos na antigüedade... O seu equipo quedou de número 13 dos 31 países participantes!.

Tamén nos falou sobre a súa función de xuiz nos propios xogos de Barcelona 92 e nos de Atenas.

Grazas Franco, por visitarnos e deixarnos esta aprendizaxe insuperable aos teus 80 anos!





14 de decembro de 2019

CONTACONTOS LINGUA DE SIGNOS

Onte levouse a cabo na biblioteca do cole unha das actividades que oferta anualmente o Concello de Mos, un contacontos en lingua de signos, para o alumnado de Educación Infantil.

O aprendizaxe da lingua de signos (LSE) leva unha serie de vantaxes e cualidades pedagóxicas coma mellorar a capacidade comunicativa,  aumentar a atención, favorecendo a memoria e a discriminación visual, axuda a descubrir nos nenxs habilidades sociais e comunicativas do seu corpo, fomenta valores coma a empatía, o respecto, a normalización e mellora a psicomotricidade. Axúdanos a comunicarnos non só coas persoas xordas ou con dificultades auditivas, tamén coa nosa familia, profes, cos nosxs amigxs ou con persoas con capacidades diferentes para aprender a comunicarnos mellor.

Así, gozamos dun conto acompañado desta linguaxe e aprendemos a signar animais!






3 de decembro de 2019

DÍA INTERNACIONAL DAS PERSOAS CON DISCAPACIDADE

Hoxe conmemórase o Día Internacional das Personas con Discapacidade ou Persoas con Diversidade Funcional, e dende a biblioteca estas son as novidades relacionadas con esta conmemoración, coas que pretendemos dar visibilidade á sociedade diversa e así continuar apostando por unha educación e biblioteca inclusiva!.







24 de novembro de 2019

ESCAPE ROOM

As bibliotecas escolares, a nosa entre elas, celebraron o seu día o pasado 24 de outubro, programando actos específicos nos que lembrar as oportunidades que nos ofrecen. No cole este ano inauguramos a nova biblioteca, tendo en conta que a biblioteca escolar é, probablemente, a primeira que lles aprende. Queremos que sexa un lugar para a formación, a relación, a igualdade, a diversidade e a inclusión.

Para que o alumnado e profesorado coñeceran un pouco más este espazo, fixemos unha formación de usuarios a través dun Escape room, isto é, unha búsqueda do tesouro (porque tiñamos un gran cofre cun tesouro) a través da gamificación e o xogo.

Motivados por Ratiño e Ratiña, tiveron que pasar unha serie de probas, levando a cabo diferentes enigmas e retos relacionados co coñecemento dos espazos, a distribución dos fondos ou a resolución de xogos de mesa. O obxectivo final era atopar a chave que abría o gran cofre, no que atoparíamos o contrato que nos da acceso durante este curso á biblioteca.

MISIÓN CUMPLIDA!!










APADRIÑAMENTOS LECTORES

Este venres desenvolvéronse os apadriñamentos lectores con motivo da conmemoración "Novembro, tradición oral". Para levala a cabo, os alumnos de 3º a 6º de primaria (que son os padriños e madriñas), lle contan oralmente un conto ou historia a un afilladx. Para este fin, as madriñas/padriños non poden empregar soporte escrito, pero sí poden empregar outros recursos (títeres, bonecos, peluches...).

Nos días previos, os padriños/madriñas coñeceron aos seus afilladxs nunha reunión previa, para coñecerse mutuamente, preguntarlles qué historias lles gustan e manter uns intres de convivencia.










BUZÓN DE SUXERENCIAS

LEMBRADE!! temos buzón de suxerencias.

A través del, podedes deixarnos suxerencias, ideas ou opinións. O atoparedes na entrada á biblioteca do centro.
Tamén podedes achegar calquera das vosas aportacións a través do email da biblioteca na seguinte dirección: bibliotecamestremartinezalonso@gmail.com.


PORQUE A VOSA OPINIÓN É MOI IMPORTANTE PARA NÓS!!


NOVIDADES





25 de outubro de 2019

BIBLIOPATIO

Hoxe comezou a nosa Bibliopatio. 

Dentro do proxecto "O patio que soñaMOS", ofertamos a todos os nenxs un momento de lectura todos os venres no patio. Este carriño foi obra dun dos talleres do Módulo Mixto do Centro Penitenciario de a Lama; feito con material de refugallo e madeira, foi a sensación do patio de hoxe! 






24 de outubro de 2019

NOVIDADES

Estas son as novidades da biblioteca! Recordade que de momento son só para consulta. Axiña estarán dispoñibles para préstamo.



MESA TEMÁTICA: SAMAÍN


Ratiño e Ratiña xa están preparados para vivir un Samaín de conto, e ti?

Achégate á biblioteca e goza dunhas lecturas terroríficas!!




APERTURA DA BIBLIOTECA

Hoxe conmemóranse o "Día das Bibliotecas Escolares", e no cole inauguramos a nosa "nova" biblioteca.

Ratiño e Ratiña anímanvos a coñecer e utilizar este espazo do centro que dende hoxe estará aberto a toda a comunidade escolar todos os días de 16:00 a 17.00h. 
O préstamo xa está dispoñible, só necesitas traer o teu carné da biblio e mergullarte no fantástico mundo dos libros.


Esperámosvos  tod@s e desexámosvos unhas boas e apaixoantes lecturas!!
















24 de xuño de 2019

FELIZ VERÁN!

XA REMATA OUTRO CURSO E COMEZA O VERÁN, UNHA ÉPOCA IDÓNEA PARA LER AQUEL LIBRO QUE NON SE PUIDO LER DURANTE O CURSO ESCOLAR.
PERO LER POR LER, E NON CO OBXECTIVO DE FACER UN RESUMEN OU DE CONTESTAR A UNHAS PREGUNTAS QUE APARECEN NO CUADERNILLO.
 FELIZ VERÁN