17 de xuño de 2020

RECOMENDACIÓNS LECTORAS VERÁN E DESPEDIDA FINAL

A piques de rematar o curso deste xeito tan pouco habitual, polas nosas xanelas xa se asoma o verán, o cal intentaremos aproveitar e desfrutar. Para iso, queremos compartir con vós unhas recomendacións para compartir este tempo de lecer con lecturas, xogos, música...

Agardamos que vos gusten, e recordade mercar nas librerías e comercios máis próximos.

Polo momento, á biblioteca pecha as súas portas coa ilusión de abrilas á volta e volver ver e sentir moita vida nela.

Moitas grazas a todo o equipo de voluntarixs polo seu esforzo e implicación; aos mestres/as, alumnxs e familias polas vosas lecturas, investigacións e aventuras e a todo o Equipo de Biblioteca polo seu gran traballo e colaboración.

Bicos e apertas virtuais!

FELIZ VERÁN

Ratiño e Ratiña.





5 de xuño de 2020

DEVOLUCIÓN DE MATERIAIS

AVISO IMPORTANTE! Para todo o alumnado do cole, lembrade achegar os libros e materiais da biblioteca que leváchedes como préstamo, así como as Mochilas Viaxeiras de cada clase que teña cada alumnx na casa.

Por seguridade, están unhas caixas na entrada ao acceso ao corredor que leva á biblioteca para que deixedes o libro e as mochilas.

Grazas pola colaboración!


XORNAL O PAPAGAIO. MES DE XUÑO

Unha nova e última entrega de este curso do xornal mensual O Papagaio. Podedes visualizalo ou descargalo no seguinte enlace: XORNAL

Agardamos que disfrutedes das novas!

29 de maio de 2020

A CITA EN GALEGO DE IAGO DE 5º DE EI

A Iago, con estos días tan bos, gústalle moito ler á sombra escoitando os paxariños. Este banco é o seu mellor sitio para ter a súa cita con "Carabuñas" e coa "Toupiña que quería saber quen lle fixera aquilo na cabeza".



23 de maio de 2020

ENQUISA DE VALORACIÓN DA BIBIOTECA ESCOLAR PARA FAMILIAS E ALUMNADO CURSO 2019-2020

A continuación presentámosvos a enquisa para familias e alumnado de valoración da biblioteca escolar deste curso 2019-2020.

O alumnado de infantil necesitará a axuda dunha persoa adulta.

Para acceder á enquisa do alumnado antes hai que cubrir a da familia.
Só é necesario cubrir unha por familia e filla ou fillo. De esta forma se nunha casa hai máis de unha filla/o, con que a cubran un é suficiente.

Moitas grazas pola vosa olaboración

Un saúdo,
o equipo de apoio á bilbioteca escolar

20 de maio de 2020

CITAS EN GALEGO

Aquí temos máis citas compartidas da man de Amanda de 3ºB, que tivo unha cita con Rosalía de Castro e recítanos a súa poesía "Adiós ríos, adiós fontes". e Oriol, de 3ºA, quen creou o seu propio cómic en galego.







18 de maio de 2020

CITAS EN GALEGO

Novas e interesantes citas en galego que tiveron: Brandán (1º EP), Ibai e Eric (3 anos A e B respectivamente) e Iago (1º EP).










17 de maio de 2020

LETRAS GALEGAS 2020

Nesta semana (11-15 de maio) conmemoramos a Semana das Letras Galegas, e cada 17 de maio, celebramos que en Galicia temos unha lingua e unha literatura propia. A través dela rememoramos o pasado, nomeamos o presente e construímos o futuro.




Neste inusual mes de maio, a figura do homenaxeado nas Letras Galegas 2020, Ricardo Carvalho Calero,  asómase á xanela sabendo que os nosos espazos permanecen abertos, desde a distancia.

Queredes coñecelo mellor? pois para saber máis da súa contribución ao estudo da literatura galega, do seu maxisterio, do seu compromiso coa lingua, da súa poesía e teatro... prema na seguinte imaxe e accede a todo o seu contido. Podes imprimir documentos para facelos, acceder a eles en liña... só tes que elixir as axeitadas para a túa idade:




E ainda que non podemos celebrar esta data tan sinalada no cole, non impedirá que podamos gozar con contos:

Prema na imaxe para acceder á lectura do conto de "Os bolechas, as miñas primeiras letras galegas" ou mediante o seguinte enlace: https://www.lingua.gal/recursos/todos/_/letras-galegas/2020/contido_0011/bolechas-carvalho-calero


Coa música:




E mesmo con xogos, converténdoos en auténticxs detectives para resolver enigmas, a través dos  seguintes "scape rooms", nos que aprenderedes máis sobre o autor:







Recordade que podedes seguir participando na actividade "Unha cita en galego", proposta para todo este mes de maio con motivo desta celebración.

É o momento de desconfinar a nosa lingua!


FELIZ DÍA!