DÍA DAS ARTES GALEGAS

 O 2 de abril celebramos o Día Das Artes Galegas, unha xornada para recoñecer e promover as nosas tradicións culturais e artísticas, e dende o centro, xa levabamos varios días traballando na previa desta conmemoración, que este ano está tan vinculada ao Día das Nosas Letras. 

Así, desde a biblioteca aproveitamos esta data para seguir traballando as competencias informacionais e dixitais. No Club de Podcast, tivemos o pracer de entrevistar a Marta Martínez Valladares, integrante do grupo As Lagharteiras e antiga mestra do noso centro. Marta compartiu con nós a súa paixón pola música galega e a súa defensa do folclore, ofrecendo unha lección valiosa sobre a importancia de preservar e difundir as nosas tradicións.

A súa visita ao centro e a súa participación en #UnRatoNasOndas foi unha gran oportunidade para reflexionar sobre a música tradicional e as novas formas de aprender e compartir coñecemento. 

Grazas, Marta, por ensinar, inspirar e seguir deixando a túa marca no noso centro.

Non vos perdades esta interesante entrevista: