DÍA DAS ARTES GALEGAS
No mes de abril celebramos o Día das Artes Galegas cunha sorpresa moi especial! Este ano, tivemos a honra de recibir a unha talentosa artista mosense, que nos deleitou coa súa música e o seu arte: Uxía Senlle.
Foi unha mañá chea de emoción e alegría cando a nosa convidada sorpresa chegou ao centro. Co seu carisma e o seu talento, a nosa convidada mergullounos no fascinante mundo da música galega. Cantou algunhas das súas cancións máis emblemáticas, cheas de tradición e emoción, e cautivounos coa súa voz única e a súa habilidade para transmitir sentimentos a través da música. Ademais, interpretou, en primicia, unha das súas últimas obras sobre a autora Luisa Villalta, á quen se lle adica este ano as Letras Galegas.
Nos días previos, todxs xuntxs no espazo de reflexión, fomos descubrindo pouco a pouco a identidade desta talentosa artista mediante pistas ata que finalmente foi revelada.
Foi unha experiencia inesquecible para todos nós. Ademais de gozar da súa actuación, tamén tivemos a oportunidade de aprender máis sobre ela, pois compartiu algunhas anécdotas sobre a súa carreira artística e inspirounos a explorar as nosas propias paixóns creativas.
Tras este ratiño íntimo, o alumnado de 6º de Primaria entrevistouna na nosa Radio Escolar, partindo de preguntas que fixemos en conxunto nas sesións previas.
O Día das Artes Galegas brindounos así a oportunidade para celebrar e apreciar a riqueza do patrimonio cultural galego.
Estamos agradecidos e agradecidas de ter tido a oportunidade de coñecer a esta talentosa artista e de compartir xuntas/os momentos de música, alegría e aprendizaxe.
Comentarios