UN RATO NA BIBLIOTECA

EU FALO ASÍ....

2012-01-09T13:22:00.000+01:00

O día 30 de xaneiro celebramos o Día Escolar pola Paz e a non Violencia. Gústanos propoñer desde a biblioteca cancións que nos inviten a ser mellores, a comprender aos demais e substituir as pelexas e a violencia por palabras de cariño e comprensión, aceptar a diferencia demostra intelixencia. Gozade coa canción "Eu falo así"

MERRY CHRISTMAS...

2011-12-17T12:06:00.000+01:00

Deixámosvos este ano unha fermosa historia de nadal que vos vai facer aplicar os vosos coñecementos de inglés Aproveitamos para felicitar a toda a comunidade escolar FELIZ NADAL!!

10 DE DECEMBRO: DEREITOS HUMANOS

2011-12-09T10:39:00.001+01:00

A historia de Said un adolescente que vive no norte de África e soña con cruzar o estreito para vivir unha vida mellor...

DEREITOS DOS NENOS E DAS NENAS

2011-11-22T11:15:00.000+01:00

Imos aprender con POCOYO e os seus amigos os NOSOS DEREITOS:

DEREITO Á EDUCACIÓN, A XOGAR, Á SAÚDE, A UNHA FAMILIA, A UNHA IDENTIDADE, Á IGUALDADE, Á PROTECCIÓN.

25 DE NOVEMBRO "DÍA CONTRA A VIOLENCIA DE XÉNERO"

2011-11-17T10:08:00.000+01:00

Un ano mais celebramos o Día Contra a Violencia de xénero, gostarínos que o ano que ven non tiveramos que publicar nengunha entrada sobre este tema pero moito nos tememos que vista a realidade ainda quede un longo camiño por recorrer para erradicar este pesadelo das nosas vidas. O traballo cos mais novos, nenos e nenas, é fundamental así que vos animamos a reflexionar sobre o tema nas aulas.

INICIO DE CURSO...

2011-09-20T09:37:00.006+02:00

Con certo retraso iniciamos a actividade no blog da biblioteca neste novo curso 2011/2012. Levamos dous meses coa biblioteca en plena actividade, os nenos da escola asinaron os contratos nos que se comprometen a respectar as normas de biblioteca e xa puxemos en marcha as mochilas viaxeiras deste curso.
Nesta ocasión as mochilas estarán nas casa 15 días, esta era unha reclamación por parte das familias xa que 10 días eran un pouco escasos para gozar co seu contido.
Como novidade este curso as mochilas do primeiro ciclo levan todos os materiais en lingua galega e as do terceiro ciclo están dedicadas á lectura para aprender, así que todos os materiais son divulgativos.
Deixámosvos como regalo de inicio de curso este video sobre as bibliotecas mais fermosas do mundo.

A INSOPORTABLE LEVEDADE DAS BIBLIOTECAS ESCOLARES GALEGAS

2011-06-01T08:13:00.002+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

MAIO, MES DAS LETRAS

2011-05-16T09:01:00.000+02:00

DON QUIJOTE INTERACTIVO

2011-04-01T07:33:00.002+02:00

Neste "Abril, mes dos libros" propoñemos unha forma diferente de ler as fantásticas aventuras de Don Quijote.

TALLERES PARA REIVINDICAR A IGUALDADE

2011-03-16T10:43:00.000+01:00

Este xoves 17 de marzo realizaremos 6 talleres coa IGUALDADE como protagonista. O alumnado de primaria repartirase en seis grupos que rotarán polos talleres. Cada taller ten unha duración de 15 minutos e a unha sinal acústica todos os grupos realizarán o cambio.

Taller 1: proxección dun vídeo cun pequeno debate posterior (aula de informática)

Taller 2: actividades na pizarra dixital sobre a igualdade (corredor de infantil)

Taller 3: cantamos pola igualdade (aula de música)

Taller 4: elaboramos un mural colectivo. (aula de plástica)

Taller 5: contacontos (biblioteca e se fai bo tempo farémolo fora)

Taller 6: xogar en igualdade (se fa ibo tempo nas pistas e se non no ximnasio)

MARZO IGUALDADE

2011-03-14T16:05:00.006+01:00

Durante esta semana teremos os actos máis destacados en relación coa celebración do Dïa Internacional da Muller (8 de marzo).
Teremos cine para falar de igualdade, os nenos e nenas de 1º ciclo iniciarán as sesións mañán martes. As películas seleccionadas para a ocasión son: "Monstros contra alieníxenas" e "Billy Elliot". Ademais o xoves realizaremos unha xornada especial onde todo o alumnado de primaria participará en seis talleres coa IGUALDADE como protagonista.

NOVOS MATERIAIS DE INGLÉS

2011-03-03T15:07:00.005+01:00

Xa había tempo que os ratiños e ratiñas lectoras estaban demandando novos materiais en lingua inglesa. Aquí tendes as novidades para este ano. Temos historias de fición, libros sobre coñecemento do medio, libros para ler e cantar e novos dicionarios ilustrados.

Os libros serán presentados polas profesoras especialistas en lingua inglesa do colexio así que durante as próximas semanas atoparedes a estantería de novidades nas aulas de inglés.
Cada ano nas estatísticas de fin de curso aparece cunha porcentaxe significativa os préstamos en inglés, agardamos que esta nova remesa de libros satisfaga as ganas de ler noutras linguas dos noso usuarios/as.

CLUB LECTOR

2011-02-28T11:17:00.012+01:00

Este ano temos novidades con respecto ao club lector. Funcionarán 4 grupos, 2 en 2º ciclo e 2 en 3º ciclo. Os grupos de 3º ciclo recibiron a semana pasada unha invitación para a primeira reunión do club lector están citados o martes 1 de marzo (o primeiro grupo) e o mércores 2 de marzo (o segundo grupo) ás 11:45 h. na biblioteca.
A súa primeira lectura deste curso será "Lía e as zapatillas de deporte" da escritora María Reimóndez e ilustrado por Iván Sende.
Estamos moi agradecidos ao CEIP Fermín Bouza Brey de Ponteareas que nos prestou amablemente os libros de Ke-Tumba Ket-Tamba para usar no club.
En breve comezarán a funcionar os dous grupos restantes do 2º ciclo.
Desexámoslles unhas felices lecturas compartidas!

BIBLIOTECA E PAZ

2011-01-23T09:15:00.000+01:00

CINE PARA A PAZ:

Ao longo destes últimos días do mes de "Xaneiro, mes de Paz" gozaremos coa proxección da película UP, estade atentos porque Ratiño e Ratiña deixarán as entradas para cada sesión nas aulas.

Despois realizaremos as actividades para a pizarra dixital que o Equipo de Biblioteca elaborou para que todos reflexionemos sobre valores como a amizade, a non violencia...

RECEITAS PARA A PAZ:

O equipo de biblioteca propuxo a elaboración de receitas para a paz, non esquezades o instrumental , os ingredientes necesarios e indicar os pasos da elaboración da vosa receita. Con todas elaboraremos un libro que quedará na estantería de "Libros Feitos por Nós"

ALEGRÍA, NESTE XANEIRO MES DE PAZ...

2011-01-10T08:13:00.000+01:00

TENDES A CONTINUACIÓN A MESMA CANCIÓN COA LETRA ESCRITA EN ITALIANO, INGLÉS E ESPAÑOL...A LER E CANTAR

A NOSA CARTA DE NADAL

2010-12-21T12:55:00.006+01:00

Mos, 21 de decembro de 2010

Queridos Reis Magos, Papá Noel, Apalpador e outros personaxes encargados de traer os regalos aos nenos e nenas no nadal,
Escribo esta carta para contarvos que son un verdadeiro ratiño de biblioteca así que acertardes de seguro se neste nadal axudades a aumentar a miña biblioteca particular. Que vos parecen as seguintes suxerencias:
Un conto de piratas, de princesas, de bruxas... Ou un libro de animais, do espazo, do fondo mariño, do corpo humano, de plantas... Ou unha película de misterio, de amizade, de aventuras... Ou un disco de cancións de nadal, de cancións para nenos, de música clásica, de músicas de outros países... Ou un documental que fale da vida nos mares, das viaxes espaciais, das viaxes das aves...
Un xogo de ordenador que nos divirta e nos faga pensar...
Tal vez consigades que papá, mamá ou algún familiar amable me leve de visita á biblioteca municipal de Mos, de Porriño ou de Redondela. Seguro que o pasamos moi ben toda a familia na biblioteca.
Despídome xa, agardando que me concedades o que vos pido ademais de todos os xoguetes que vos collan no saco!

Asinado: Ratiñ@ de Biblioteca

PD: Esquecía decirvos que este ano me portei fenomenal, tédeo en conta!

O APALPADOR EN VIGO

2010-12-21T09:44:00.006+01:00

Atención nenos e nenas! este xoves tendes unha cita moi especial ás 6 da tarde en Vigo con, nen máis nen menos que co APALPADOR. Neste acto organizado pola sociación AGARIMAR haberá música, agasallos para os pequenos e pequenas...
Será unha verdadeira festa!
Quen se anima?

E QUE FAGO EU CUNHA COLIFLOR? (MINIQUEST)

2010-12-08T11:45:00.007+01:00

Ratiño e Ratiña deixaron como regalo nas aulas unha planta de coliflor, seguramente moitos pensáchedes nese momento: "E que facemos agora cunha coliflor?"
Pois aquí tendes a resposta á pregunta: resolver esta miniquest para saber que facer coa vosa coliflor e ademais coñecer algo máis sobre o fantástico mundo das plantas. Premede na imaxe para iniciar a investigación.

LIBROS SOBRE PLANTAS

2010-12-03T22:05:00.002+01:00

Temos preparada na biblioteca unha exposición con libros sobre plantas.

Ratiño e Ratiña de biblioteca deixaron en cada aula unha planta de regalo cunha invitación para achegarse á biblioteca.
Con todo o que ides aprender nos libros seguro que non tendes problema para coidar e conseguir que a vosa planta medre.

Tamén elaboramos un vídeo cunha pequena explicación sobre os libros que seleccionamos para a exposición. Prestade atención ao video e a canción da "Nena botánica".
Aquí tendes a letra para ler e cantar.

"NENA BOTÁNICA"

EU TEÑO UN VIVEIRO CHEIÑO DE PALANTAS, FLORES AMARELAS, VERMELLAS E BRANCAS. TEÑO PENSAMENTOS, PAPOULAS E ROSAS, RAÍÑOS DE SOL QUE XOGAN NA PORTA.

PORQUE SON BOTÁNICA, BIOORGÁNICA, SON MÁXICA…

E TEÑO UN CARDÍN QUE CHEIRA A XASMÍN, ONDE COLLO EU TAMÉN COLLES TI. TEÑO MOITAS FONTES E DÚAS LAGOAS ONDE POLAS NOITES AS RANCIÑAS CROAN.

PORQUE SON BOTÁNICA, , BIOORGÁNICA, SON MÁXICA…

PORQUE SON BOTÁNICA, BIOORGÁNICA, SON MÁXICA…

(Recillida no libro "A nena e o grilo" Ed: OQO)

2010 ANO DA LECTURA

2010-11-26T08:16:00.004+01:00

O ano 2010 foi declarado Ano do Libro e a Lectura en Galicia, o seguinte video forma parte da campaña de animación á lectura.

MAIS RECURSOS SOBRE OS DEREITOS DA INFANCIA

2010-11-22T09:10:00.007+01:00

Premede na imaxe para visitar a páxina de recursos que a Biblioteca Escolar do CEIP Víctor Saenz elaborou para conmemorar os Dereitos da Infancia. Agradecemos a esta biblioteca que comparta con todos este fenomenal traballo.

Nós de todos os recursos escollimos a canción titulada "Niños" de Pedro Guerra que reflicte a terrible realidade dos nenos e nenas da rúa de América do Sur. Aquí deixamos o video e a letra para cantala e reflexionar sobre o que dice.

A 30 pisos de altura frente a la playa de copacabana
La calle huele a humedad a fruta sexo bronceador cachaza
A 30 pisos de altura veo la vida que me mira y pasa
Bebiendo agua de coco frente a la playa de copacabana
Cuando den las diez no volveran a casa
Se quedaran ahi no volveran a casa
Cuando den las diez los niños de la playa
Se quedaran ahi no volveran a casa
Coro:
Como los coches luz de farola
Como los gatos y las baldosas
Como las tiendas y los buzones
Como basura por los rincones
Como los perros intentando vivir, viviendo
Desde la asfixia y la altura veo el temor de la ciudad dormida
Nada se intuye en el aire de la violencia en la que todo gira
Colombia avanza y el mundo no sabe nada y si lo sabe olvida
Y todo sigue girando morir al dia es parte de la vida
Niño del dolor que cuelga de los coches
Y aspira oscuridad crecida de la noche
Niño del dolor sin nada a que agarrarse
Perdido en la ciudad ya es parte del paisaje
Coro:
Como los coches luz de farola,
Como gatos y las baldosas
Como las tiendas y los buzones
Como basura por los rincones
Como los perros intentando vivir, viviendo
A muchas horas de casa miro la luz de la ciudad torcida
La inmensidad del df. la multitud que en el smog respira
A muchas horas de casaotra mirada nos observa y mira
Y la serpiente emplumada quedó atrapada y ahora es luz cautiva
Niño del dolor haciendo piruetas
A cambio de tener migajas o monedas
Niño del dolor que juega a hacerse grande
Ausente del amor ya es parte de la calle

DEREITOS DA INFANCIA:Dereito á Educación

2010-11-21T11:40:00.000+01:00

RECURSOS SOBRE A AUGA E OS DEREITOS DA INFANCIA

2010-11-18T22:00:00.004+01:00

Desde dúas fantásticas bibliotecas escolares: Ceip Quintela en Moaña e o Ceip Milladoiro de Malpica chéganos dous recopilatorios de recursos sobre dous temas ben interesantes A Auga e os Dereitos Da Infancia

Premede na foto para visitar a páxina de recursos sobre a auga que preparou o equipo de biblioteca do Ceip Quintela de Moaña. Un traballo excelente con vídeos, información, xogos... Este ano 2010 é o Ano Internacional Da Auga. Felicitamos ao equipo de biblioteca de Quintela

por este xenial traballo.

Premeda na imaxe para visitar agora a páxina relacionada cos dereitos da infancia que realizaron na Biblioteca do Ceip Milladoiro de Malpica.
Os nosos parabéns ás dúas bibliotecas e o noso agradecemento por compartir estes recursos.

CANDO OS LIBROS SAEN DOS ANDEIS DA BIBLIOTECA

2010-11-05T13:29:00.006+01:00

É entón cando atopan o seu sentido. O pasado venres comprobámolo coa dinamización do espazo lector do corredor de primaria que realizaron os nenos e nenas de 6º. Coas súas explicacións coñecimos un pouco máis afondo a vida do xenial poeta Miguel Hernández, cos seus recitados sentimos a emoción das palabras que os conforman.
Sentimos a mesma pena que debeu sentir o poeta no cárcere lonxe da súa familia... da súa muller, do seu bebé...
Aquí tendes unha pequena parte do acto en vídeo.

Aplaudimos moito aos compañeiros de sexto e á súa titora pola iniciativa. QUEREMOS MÁIS! Somos ratiños e ratiñas lectoras ávidos destas sensación que produce a palabra escrita.

Durante toda a semana estará expostos os libros, cd e dvd dos fondos da biblioteca. Despois poderemos levalos en préstamo para casa.
Ademais o luns 8, martes 9 e mércores 10 de novembro neste espazo do corredor proxectarase durante a primeira parte do recreo un vídeo sobre a vida do poeta. Haberá un encargado de poñer en marcha a proxección do aula de 6º
Así que se vos animades poderedes comer o bocadillo mentras gozades coñecendo a vida de Miguel Hernández.

ESTEREOTIPOS DE XÉNERO

2010-11-04T21:59:00.004+01:00

Durante este curso o alumnado que asiste ás aulas de atención educativa utilizará como ferramenta o blog http://estereotiposdexenero.blogspot.com . A profesora responsable é membro do equipo de biblioteca e centrará parte das súas actividades en analizar os estereotipos de xénero na literatura infantil.

Como xa sabedes o proxecto anual de biblioteca está adicado ao xénero da poesía e a igualdade. A igualdade de xénero como é ben sabido, non é real, así que dende a biblioteca non aforraremos esforzos para colaborar no camiño ata acadala. A partir de hoxe tendes o enlace co novo blog na columna da dereita. Se o preferides podedes premer na imaxe.

CENTENARIO DE MIGUEL HERNÁNDEZ

2010-11-01T11:27:00.001+01:00

Os nenos e nenas de sexto levan un tempo xa traballando a figura de Miguel Hernández e na primeira semana de novembro realizarán un acto no espazo lector que teñen habilitado no corredor de primaria para dar a coñecer a vida e obra deste xenial poeta.

Durante o acto recitarán poemas e escoitaremos algún deles musicado. Presentarán tamén o libro da editorial Kalandraka "Miguel Hernández. 25 poemas ilustrados" e o traballo de Joan Manuel Serrat "Hijo de la luz y de la sombra" onde o músico catalán canta de novo ao poeta.

Estes dous materiais forman parte da nosa biblioteca escolar e despois desta presentación quedarán a disposición de todos os usuarios/as.
Para abrir boca aquí tendes toda a información que está colgada nos paneis.

MIGUEL HERNÁNDEZ

LIBROS PARA PASALO DE MEDO!

2010-10-24T08:49:00.000+02:00

Así titulamos a exposición que podes visitar na biblioteca nestes días próximos ao Samaín. É unha selección de materiais co MEDO como protagonista... pero MEDO dese que fai que o pasemos moi ben. Así que agardamos aos ratiños lectores máis osados do colexio, temos para vós pelis, contos, cómic...de todo un pouco para pasar a festa do samaín entre lecturas.

APERTURA DE CURSO NA BIBLIOTECA

2010-10-02T10:54:00.007+02:00

Cun pouco de retraso comezamos a actividade no blog da biblioteca e como en cursos anteriores o mes de outubro chega cheo de actividade. Ratiño e Ratiña enviaron varias cartas, unha delas é na que anunciaba a chegada das Mochilas Viaxeiras para os cursos de Educación Infantil 5 anos, 2º, 4º e 6º de Primaria.
Deixámosvos a continuación a curtametraxe baseada na historia titulada "A FLOR MÁIS GRANDE DO MUNDO", que foi escrita por José Saramago. Poderán gozar con ela os nenos e nenas de 4º xa que está incluída nun dos materiais da mochila en formato audio-libro.
A banda sonora foi escrita e dirixida por Emilio Aragón
Este é só un exemplo pero estamos seguros de que o resto dos materiais serán tamén de moito interese para as familias.
Saudiños de comezo de curso e a gozar coas lecturas en familia!

2010-05-26T20:56:00.005+02:00

AS LINGUAS DA ESCOLA:

"CARAPUCHIÑA VERMELLA" MULTILINGÜE

Entre as familias da nosa escola fálanse moitas linguas diferentes. Neste vídeo aparecen recollidas. Os pais, nais e alumnos fixeron de narradores para conseguir unha versión multilingüe de Carapuchiña Vermella.

Para seguir a narración prestade atención ás ilustracións que realizaron todas as titorías desde infantil de tres anos ata os nenos de 6º de primaria. Na versión impresa do conto multilingüe aparecen os textos en alemán, árabe, checo, portugués a a súa traducción ao galego. Atoparédelo na estantería das LINGUAS DA ESCOLA para poder levalo en préstamo para casa.

De seguro esta versión que reflicte os diferentes acentos das diferentes linguas das familias do colexio será unha fantástica lectura para gozar en familia.

2010-05-26T17:46:00.004+02:00

AS LINGUAS DA ESCOLA : "Little Red Riding Hood"

No curso pasado iniciamos un proxecto na biblioteca para traballar as diferentes linguas que se falan na escola, entre elas está por suposto o inglés.

Neste curso escollimos o conto de Carapuchiña Vermella como fío conductor e entre as actividades realizadas está este vídeo.

O alumnado e a profesora de inglés adicaron tempo e esforzo para preparar os textos e facer de narradores, e aquí tendes o resultado nunha versión do famosísimo conto infantil "Little Red Riding Hod"

Preparados ratiños de biblioteca para practicar o voso inglés.

2010-05-26T08:00:00.000+02:00

MAIO, MES DAS LETRAS... MÚSICA, FESTA... EN GALEGO

2010-05-25T08:00:00.000+02:00

MAIO, MES DAS LETRAS

"ESTA LINGUA NON QUERE VIVIR NA FAVELA"

Esta lingua non quere vivir na favela
porque é lingua, lume, lanterna e faro
que nos mantén vivos no ceo, dende o tempo dos avós.

Esta lingua non quere ser suburbio
porque ten unha historia inmensa de séculos luminosos
na parte de atrás
incluso
no sotaque inevitable dos corazóns resentidos que odian á nosa tribo.

Esta lingua non quere habitar nunha cidade estraña
porque está feita a man cos alicerces mansos da xente boa
na que aniñou humilde cando era o tempo dos lobos
as mesmas feras que agora volven
famentas de vinganza
dende o máis escuro das súas escuras covas.

Esta lingua quere ser música
acubillo, calma mol, circunstancia feliz.

Poderedes metela na favela
condeala ao suburbio
obrigala a residir nunha cidade estraña.

Tanto ten.
Ela foi.
Ela é.
Ela será

(Francisco Castro)

2010-05-17T08:38:00.000+02:00

GUÍA DE LECTURAS...para ratiños detectives

GUÍA LIBROS ALFIN GALEGO

2010-05-12T14:29:00.006+02:00

POETA

CAUREL, PROTAGONISTA

WEBQUEST

Aquí temos recén saidiña do forno a webquest sobre o homenaxeado das Letras Galegas 2010: Uxío Novoneyra.

Premede na foto e seguide os pasos para resolver as cuestións que se vos plantexan. Hai preguntas dirixidas ao 1º, 2º e 3º ciclo de primaria.

Que a vosa sexa unha investigación apaixonante, ratiños e ratiñas detectives!

2010-05-03T08:12:00.001+02:00

ALFIN UXÍO NOVONEYRA

Desde o Ceip Condesa de Fenosa de Valdeorras chéganos unha fantástica actividade de alfabetización informacional sobre o homenaxeado no Día das Letras Galegas deste ano 2010. Prepárate para ser un verdadeiro ratiño ou ratiña de biblioteca.

Presta atención á información porque terás que resolver as actividades que che propoñen para demostrar que eres un gran ratiño investigador. Para iniciar as pescudas preme na foto do poeta Uxío Novoneyra.

2010-05-03T08:00:00.002+02:00

CANCIÓNS PARA LER E CANTAR

"GALICIA" (Os Carunchos)

Con motivo da celebración de "Maio, Mes das Letras" propoñemos desde a biblioteca unha actividade poética e musical á vez.

Os Carunchos realizan unha versión musicada do poema "Galicia" de Manuel María que está recollido na súa obra "Os soños na gaiola", que como xa sabedes viaxou polas aulas do colexio no baúl dos libros. A continuación tendes a letra.

A LER E A CANTAR!

GALICIA DOCEMENTE ESTÁ OLLANDO O MAR
TEN VALES E MONTAÑAS E TERRAS PARA LABRAR,
TEN PORTOS MARIÑEIROS,CIDADES E LABREGOS
CARGADOS DE TRABALLOS CARGADOS DE TRAFEGOS.
GALICIA É UNHA NAI VELLIÑA SOÑADORA
NA VOZ DA GAITA RÍSE, NA VOZ DA GAITA CHORA
GALICIA É O QUE VEMOS, A TERRA O MAR E O VENTO,
PERO HAI OUTRA GALICIA QUE VAI NO SENTIMENTO

GALICIA SOMOS NÓS A XENTE E MÁIS A FALA,
SE BUSCAS A GALICIA EN TI TES QUE ATOPALA. (BIS)

2010-04-30T08:00:00.009+02:00

MAIO, MES DAS LETRAS 2010

E despois de "Abril, mes dos libros" chega un intenso mes de Maio no que será protagonista a cultura galega. A programación para este mes é do máis interesante:

CLUB DE LECTURA: os membros do club terán un encontro co autor do libro "A Monstroescola"
VISITA DE ANXO FARIÑA: o ilustrador visitaranos para mostrarnos as súas técnicas de creación.
WEBQUEST UXÍO NOVONEYRA:os ratiños e ratiñas detectives da escola deberán poñerse a traballar para resolver un novo reto.
MALETAS VIAXEIRAS: levaran polas aulas libros que teñen como protagonista a Uxío Novoneyra.
SESIÓN DE CONTACONTOS: os nenos e nenas de 3º CICLO contarannos 3 historias fantásticas.
LER E CANTAR: cantaremos o poema "Galicia " de Manuel María.
RATIÑOS INVESTIGADORES (ALFIN NA BIBLIOTECA): o detective que levamos dentro entrará en acción para saber máis cousas sobre Uxío Novoneyra.
CINE EN GALEGO: unha nova sesión de cine na biblioteca en galego O Cid e Lucky Lucke.

Lembrade que ademais entregaranse os premios do certame literario que organiza o Equipo de Normalización como punto e final á Semana Cultural.

2010-04-20T07:50:00.000+02:00

CINE EN ABRIL, MES DOS LIBROS

O cine é unha das actividades habituais na biblioteca do cole. En abril procuramos escoller un título relacionado coa literatura e nesta ocasión o títluo que veremos é "KIKA SUPERBRUJA" . Esta é unha das coleccións da que máis préstamos realizan os ratiños e ratiñas lectoras da escola, así que imaxinamos que gozaran coa proxección.

As sesións realizaranse por ciclos hoxe martes 20 de abril...XA SABEDES: VÉMONOS NA BIBLIOTECA!

2010-04-17T08:19:00.002+02:00

RATIÑOS DE BIBLIOTECA: ALFIN EN ABRIL

Desde dúas bibliotecas escolares chéganos a proposta para realizar dúas investigacións centradas nas celebracións deste "Abril, mes dos libros".

A primeira das procuras de información centrarase en cuestións relacionadas co Día Internacional do Libro que se celebra como xa sabedes o 23 de abril. Esta webquest foi realizada pola biblioteca escolar do Cep de Cespón. Está pensada para o 2º e 3º ciclo de primaria.

Premede na foto de Cervantes para iniciar a investigación.

E desde a biblioteca do CEIP de Covas en Viveiro chéganos unha caza do tesouro para aprender moitas cousas do Día do Libro Infantil e Xuvenil. Premede na foto de Andersen para resolver as cuestións que nos plantexan.

FELIZ INVESTIGACIÓN, RATIÑOS DETECTIVES!

2010-04-16T16:57:00.010+02:00

CLUB DE LECTURA

Inicia a súa andaina o club de lectura da nosa biblioteca escolar. Faninos moita ilusión, porque ata o momento aínda que en cada titoría se realizan lecturas colectivas non funcionaba un club de lectura como tal.

Nesta primeira experiencia o club ofertouse aos nenos e nenas de 4º de primaria e a súa actividade está cordinada pola profesora María Velasco.

Escollimos como primeira lectura "A Monstroescola" de Anxo Fariña. O clube reúnese cada 15 días e nel participan 18 ratiños e ratiñas lectoras que se apuntaron ao mesmo voluntariamente. As reunións realízanse en horario escolar, xa que organizalo en horario extraescolar no noso centro é complicado xa que non temos transporte e moitos nenos non poderían asistir aínda que quixeran.

Os membros do clube (que aparecen na foto) teñen o seu carné personalizado e reuniranse en Maio co autor da obra dentro das actividades programadas para a Semana Cultural.

2010-04-06T08:20:00.004+02:00

ABRIL, MES DOS LIBROS

Chega de novo o mes de abril e con el unha época de celebración para todas as bibliotecas. Entre a celebración do Día do libro infantil e xuvenil e o Día do libro e dos dereitos de autor dispoñemos de todo un mes para realizar actividades relacionadas coa lectura.

A nosa programación para o mes de abril é a seguinte:

CLUBE DE LECTURA: poñemos en marcha o clube de lectura, "A Monstroescola" de Anxo Fariña será o noso primeiro título.
CINE E LIBROS: unha nova sesión de cine relacionado coa literatura, nesta ocasión gozaremos coas aventuras de "Kikasuperbruxa" un título de éxito na nosa biblioteca.
AS LINGUAS DA ESCOLA "CARAPUCHIÑA VERMELLA": as familias da escola colaboraron para realizar unha versión de Carapuchiña Vermella plurilingue.
TICs NA BIBLIOTECA: aproveitaremos neste mes de abril para poñer en práctica as actividades de formación de usuarios deseñadas polo equipo de biblioteca para a pizarra dixital.
VISITA Á BIBLIOTECA MUNICIPAL DE MOS: o alumnado de educación infantil e de 1º ciclo visitará a biblioteca municipal de Mos.
PRESENTACIÓN DO CONTO VIAXEIRO: como en cursos anteriores e para conmemorar o Día Internacional do Libro presentarase unha nova edición do conto viaxeiro.

2010-03-22T08:01:00.000+01:00

MARZO POESÍA: CINE "O CLUBE DOS POETAS MORTOS"

2010-03-18T19:30:00.000+01:00

REFLEXIÓNS SOBRE A POESÍA

2010-03-15T08:09:00.000+01:00

MARZO, POESÍA

Premede na fotografía para visitar a páxina Poetas di(n)versos. Aquí atoparedes unha escolma de poemas sobre "cousas pequenas" realizada polos responsables da biblioteca do IES Moncho Valcarce en As Pontes.

Unha lectura fantástica para este mes de marzo protagonizado pola igualdade e a poesía na biblioteca. Poemas e versos sobre cousas pequenas, correntes, mínimas...

2010-03-08T08:00:00.000+01:00

MARZO IGUALDADE

Por incrible que pareza é obxectivo do milenio para o ano 2015 a igualdade entre xéneros e a autonomía da muller.

É responsabilidade de todos/as que as nenas e nenos de hoxe medren concienciados na igualdade.

Non podemos agardar ata o 2015, este ten que ser obxectivo para HOXE!.

Agradecemos unha vez máis ao IES Río Cabe de Monforte a súa aportación a esta reivindicación con este fantástico cartel.

2010-03-05T08:58:00.007+01:00

ACTIVIDADES MARZO IGUALDADE

Con motivo da celebración do mes de marzo onde conmemoramos especialmente o 8 de Marzo "Día Internacional da Muller" desde a biblioteca programamos varias actividades.
Temos preparadas varias sesións para dar a coñecer os seguintes materiais da editorial Baía e da súa colección Contos para a igualdade:
Seleccionamos para E. Infantil, 1º, 2º e 3º:

"O memiño Nito. Entón os homes choran ou non?

E para 4º, 5º e 6º:

"Xela volveuse vampira"

E ademais..."Se acabaron las lágrimas" Aquí tendes a letra para bailar, cantar e reivindicar neste mes de MARZO, IGUALDADE.

Cuando sientes frio en la mirada,cuando alguien a roto tu sonrisa de cristal y tu carita de porcelana se acuerda de su mano ,mano de metal. Es hora de empezar a andar, se acabaron las lagrimas, es hora de empezar a andar. Rompe tu jaula.4 primaveras calladas las rosas secas ya no saben perfumar. Siente las espinas que se clavan pinchando bien adentro donde duele mas. Es hora de empezar a andar, se acabaron las lagrimas, es hora de empezar a andar. Rompe tu jaula ya

ESTRIBILLO:mira,escapa que la vida se acaba, que los sueños se gastan, los minutos se marchan. Salta que la llama te abrasa, los momentos se pasan y se te rompe el alma, el alma.

Cuando sientes que nunca lo extrañas,y la lluvia cae destiñendo la ciudad,que las gotas no calan tu alma,sus barcas en tus ojitos secos no podran remar,de nada vale ya llorar. Se acabaron las lagrimas,sientes que ya no hay marcha atras. Rompe tu jaula ya.

ESTRIBILLO...

Siente la llamada de la libertad rompe las cadenas que te hacen llorar,corretela y monta no lo pienses mas. Salta, rie, baila y siente la llamada de la libertad...

E para seguir cantando premede no enlace que vos levará a unha canción que xa traballamos no curso pasado que nos fala da igualdade entre nenos e nenas.

2010-03-03T15:20:00.016+01:00

MARÍA FUMAÇA. . . e do tren CDU que de vez en cando recorre a escola ao tren María Fumaça. Esta semana tivemos un regalo para a biblioteca da escola, 4 Cds cheos de boas cantigas para gozar con elas.

Con este título a familia (por certo, moi musical) de Rui, alumno de educación infantil, cedeu para a biblioteca escolar catro CDs cunha recopilación fantástica de cantigas de países lusófonos.

A orixinalidade radica e que non atoparedes en ningún establecemento estes materiais xa que foron gravados especialmente para Rui, e agora son compartidos con todos os ratiños e ratiñas lectoras da escola. Aquí tendes as carátulas.

Para todos os amantes da boa música aí queda a nosa recomendación.Atoparedes os Cds na estantería co número 7 e a cor LILA.

2010-02-28T16:03:00.014+01:00

O TREN CDU, DE VIAXE POLA ESCOLA. . .

Durante esta semana temos de viaxe polo colexio ao noso TREN CDU da biblioteca. Nos seus vagóns viaxan as novidades que se presentan ante todos os ratiños e ratiñas lectoras da escola.

Como podedes comprobar cada material leva a etiqueta de NOVIDADES e é nesta estantería onde permanecerán mentras non pasen a formar parte da súa estantería, coa súa cor: Lila, verde, marrón e co seu número de vagón correspondente 0,1,2...

Na máquina do tren hai unha carta do Ratiño e da Ratiña de Biblioteca coas instruccións e as explicacións correspondentes para que o tren chegue desde educación infantil ata sexto.

2010-02-22T08:36:00.006+01:00

A TRADICIÓN ORAL, CONTOS CANTADOS

Na biblioteca tivemos unha nova sesión de Contos Cantados. Nesta ocasión presentamos as historia de Loboferoz e de Dona Carme.

Aquí tendes ao público de Educación Infantil asistindo á representación.

De debaixo da cama de Dona Carme foron saíndo unha chea de animais: can, gato, rato, galo, vaca, porco, burro....e LOBO! e aínda así Dona Carme non espertaba...

Como durme Dona Carme!... Na biblioteca están á vosa disposición os dous libros, por se queredes volver a contar e cantar a historia.

2010-02-21T08:05:00.002+01:00

21 DE FEBREIRO, DÍA INTERNACIONAL DA LINGUA MATERNA

O 21 de febreiro conmemórase o Día Internacional da Lingua Materna, esta data foi establecida en 1999 pola Conferencia Xeral da Unesco, para promover o pluralismo lingüístico e a diversidade cultural

Transmisoresdalingua Red

2010-02-21T07:12:00.000+01:00

PROPOSTAS PARA O DÍA INTERNACIONAL DA LINGUA MATERNA

1. Educa no respecto a todas as linguas
2. Transmite o valor da diversidade
3. Cultiva as linguas con menos falantes
4. Fomenta a aprendizaxe de linguas
5. Perde o medo a equivocarte
6. Déixalles aos teus fillos unha herdanza valiosa
7. Acolle as outras linguas que te rodean
8. Non lle peches a ninguén as portas da túa lingua
9. Practica o ecoturismo lingüístico
10. Fala tamén para os que están preto

2010-02-17T13:40:00.011+01:00

KAMISHIBAI DEREITOS DA INFANCIA

Como punto final ás activdades do trimestre comprendido entre a Declaración dos Dereitos Humanos, Dereitos da Infancia e Día Escolar pola Paz e a non Violencia presentamos na biblioteca un traballo realizado polos nenos de 4º de primaria para expoñer no KAMISHIBAI

En sesións por ciclos todos os nenos e nenas de primaria poideron escoitar os dereitos e ver as ilustracións que inspiraron eses textos.

2010-02-16T21:58:00.005+01:00

ANXO MOURE NA BIBLIOTECA

Sempre nos alegramos de que Anxo Moure visite a nosa biblioteca. Este ano e grazas á colaboración do Concello de Mos gozamos unha vez máis coa súa presencia. Como só el sabe, encheu a biblioteca de maxia, paz, solidaridade...

Levounos a visitar coa imaxinación outros continentes: África, Sudamérica...

Pasámolo xenial e quedamos con fame de máis historias, agardamos que Anxo volva pronto no seu patinete, ten as portas abertas da biblioteca para cando el queira.

2010-01-28T22:21:00.003+01:00

XANEIRO MES DE PAZ

Desde o IES Río Cabe de Monforte chéganos este fantástico cartel para conmemorar o Día Escolar Pola Paz e a Non Violencia. Desde a biblioteca escolar do Ceip Mestre Martínez Alonso en Mos queremos dar as grazas pola xeneroxidade dos nosos colegas de Monforte.

Aquí queda como presente moi especial unha recompilación de pezas musicais realizada polas Bibliotecas Escolares de Galicia para conmemorar este 30 de xaneiro.

FELIZ 30 DE XANEIRO!

2010-01-27T20:22:00.004+01:00

NOVO BLOG NO COLEXIO

Queremos presentar un novo blog que comeza a súa andaina no noso colexio. O departamento de orientación non quere quedar ao marxe das novas tecnoloxías e ven de abrir un espazo na rede para presentar as súas suxerencias para as familias, o alumnado e o claustro do noso centro. En definitiva unha nova ferramenta de comunicación entre a escola e a comunidade educativa.

O seu estreno ten como protagonista varias suxerencias para celebrar o Día Escolar Pola Paz e a Non Violencia.

Premede na foto para visitar o blog.

2010-01-26T08:00:00.000+01:00

XANEIRO MES DE PAZ: CINE NA BIBLIOTECA

Ratiño e Ratiña de Biblioteca deixaron nas aulas entradas para todos os nenos e nenas da escola para unha nova sesión de cine na biblioteca, neste caso e tendo en conta que estamos a celebrar o Día Escolar da Paz e a Non Violencia escolleron unha película fantástica para a ocasión.

Para os nenos e nenas da escola as entradas invitan a ver a película HORMIGAZ. Nesta película o protagonista loitará por defender a súa singularidade dentro dunha colonia absolutamente alienada e dominada polos prexuicios sociais. O noso protagonista coñecerá os horrores da guerra e nos invitará a reflecionar sobre os dereitos individuais, a violencia e a necesidade de vivir en liberdade.

Aquí tendes as entradas que terán que presentan os asistentes á proxección.

2010-01-25T08:00:00.000+01:00

XANEIRO MES DE PAZ: CINE NA BIBLIOTECA

HORMIGAZ: Aquí tendes un pequeno entrante, ratiños e ratiñas de biblioteca, da película que proxectaremos mañán na biblioteca. Unha reflexión sobre o totalitarismo e o individualismo.

2010-01-18T08:00:00.000+01:00

XANEIRO, MES DA PAZ E A NON VIOLENCIA
Máis música para cambiar o mundo

2010-01-11T08:00:00.000+01:00

XANEIRO, MES DA PAZ E A NON VIOLENCIA

No mes de xaneiro, máis en concreto o día 30, celebramos o Día Escolar pola Paz e a Non Violencia. Curso tras curso a biblioteca escolar súmase a esta celebración. O ano pasado descubrimos un movemento musical que reune a músicos da rúa de todo o mundo "Playing for change" (Tocando polo cambio). Neste curso imos gozar cunha nova actuación interpretada simultaneamente en diferentes países do mundo

Parécenos unha iniciativa ben bonita, unidos pola música reivindicamos un mundo mellor neste Xaneiro, Mes da Paz.

2009-12-28T17:38:00.006+01:00

CONTRATOS E MOCHILAS

Durante o primeiro trimestre o Ratiño e Ratiña de Biblioteca deixaron nas aulas cartas por sorpresa. Unha vez abertas descubrimos que como o ano pasado para ser usuarios/as da biblioteca do cole debiamos asinar un contrato.

Por suposto todos os nenos e nenas lectoras da escola asinaron sen dubidar, tendo moi en conta que se comprometían a cumprir as normas da biblioteca e coidar os materiais da mesma.

Tamén deixaron as mochilas viaxeiras, que visitaran as casas dos nenos e nenas do cole. Dentro levan libros de temáticas moi diferentes, música, películas, xogos para o ordenador...

Cada mochila ten un tríptico explicando o contido, un carné e unha libreta para que os membros da familia anoten as súas conclusións ao remate da estancia en casa da mochila.

Aquí tendes algunha as fotos de varias das aulas onde chegaron os contratos e as mochilas.

2009-12-16T17:50:00.000+01:00

O APALPADOR
Os nenos e nenas do colexio andan a descubrir a figura do "Apalpador", un personaxe que vive nas montañas do Coural e que no nadal baixa a apalpar a barriguiña dos rapaces para ver ser cearon ben e se están durmidos. Se esto é así, o apalpador déixalles unhas castañas e xoguetes.

Na biblioteca acabamos de recibir os libros "O Apalpador" da editorial Biblos e "Antón e O Apalpador" da editorial Barafunda. Son a nosa máis especial recomendación para este nadal que comeza.

2009-12-10T08:10:00.001+01:00

DECEMBRO, MES DOS DEREITOS HUMANOS

No seguinte spot inspirado nos dereitos humanos aparecen diferentes palabras en inglés. Aínda que as imaxes axudan a interpretalo tal vez, ti que eres un ratiño investigador, te animes a buscar no noso dicionario on-line o significado.

Preme na foto para buscar as palabras:

Tamén podedes premer na foto para xogar á OCA DOS DEREITOS HUMANOS

2009-12-10T08:00:00.000+01:00

DECLARACIÓN DOS DEREITOS HUMANOS EN 4 MINUTOS

2009-12-09T22:44:00.000+01:00

10 DE DECEMBRO, DÍA INTERNACIONAL DOS DEREITOS HUMANOS

Amnistía Internacional solicitou a diferentes artistas que interpretaran a declaración dos dereitos humanos en pequenos cortos de animación. Animádevos a identificar o artigo da declaración dis dereitos humanos correspondente a cada animación. Podedes ler a declaración neste enlace.

2009-12-08T15:50:00.001+01:00

10
DE
DECEMBRO,
DÍA INTERNACIONAL DOS
DEREITOS HUMANOS

Desde o IES Río Cabe chéganos un novo cartel para conmemorar a celebración do Día Internacional dos Dereitos Humanos. O día 10 de decembro conmemórase a aprobación pola Asamblea Xeral da ONU da Declaración Universal dos Dereitos Humanos no ano 1.948.

Desde a biblioteca do cole propoñemos un traballo de investigación sobre a declaración dos dereitos humanos que desde a Biblioteca do Ceip de Andrade elaboraron en forma de webquest.

Todos os ratiños e ratiñas investigadores do 2º e 3º ciclo poden poñerse en acción.

2009-11-25T06:20:00.003+01:00

25 DE NOVEMBRO, CONTRA A VIOLENCIA DE XÉNERO

Tradicionalmente na nosa biblioteca adicamos o trimestre novembro, decembro e xaneiro a conmemoración de diferentes datas relacionadas cos dereitos da infancia, a violencia contra as mulleres, os dereitos humanos e a non violencia e a paz.

O mes de novembro recolle dúas destas datas significativas os dereitos dos nenos e nenas e a loita contra a violencia exercida sobre as mulleres. Hoxe 25 de novembro non podemos esquecer que mulleres e nenas son obxecto de violencia e discriminación en todo o mundo. Este problema non entende de clases sociais, é de feito un gravísimo problema universal que require a concienciación de todos e todas.

Desde a escola, e como non, desde as bibliotecas escolares temos a responsabilidade de educar ás nenas e nenos para negarse a asumir esta terrible realidade. Agradecemos ao IES Río Cabe de Monforte o fantástico cartel que tamén nesta ocasión non dubidaron en compartir con outras bibliotecas.

Desde o blog http://trafegandoronseis.blogspot.com chéganos tamén este fantástico vídeo de sensibilización no Día Internacional contra a Violencia de Xénero.

2009-11-24T08:00:00.003+01:00

NOVEMBRO, DEREITOS DA INFANCIA:

A ONG Médicos Sen Fronteiras preséntanos o xogo "...Y comieron felices" Una historia optimista sobre la desnutrición infantil.

Un xogo ideado para sensibilizar aos máis pequenos sobre a terrible realidade da desnutrición infantil.

O xornal El País publica en colaboración con UNICEF un retrato da infancia no mundo: "Seis meses atravesando fronteras, veinte países, cuatro continentes. Una fotógrafa: Isabel Muñoz. Cinco periodistas, 19 ONG, un centenar de niños retratados. En el 20º aniversario de la Convención sobre los Derechos del Niño, comprobamos que se ha avanzado en el camino, pero que queda mucho todavía por recorrer".
Premede na foto para ver a reportaxe "NUESTRO PEQUEÑO MUNDO"

2009-11-23T08:00:00.003+01:00

NOVEMBRO MES DOS DEREITOS DA INFANCIA: NENOS E NENAS ESCRAVOS

Cada 20 de novembro celebramos que os nenos e nenas teñen dereitos, a realidade encárgase de demostrarnos ano tras ano que este é un obxectivo que está lonxe de ser acadado. Nenos e nenas de todo o mundo traballan como escravos cando deberían estar xogando ou aprendendo na escola.

2009-11-20T08:00:00.004+01:00

20 DE NOVEMBRO DÍA INTERNACIONAL DOS DEREITOS DA INFANCIA:

Aquí vos deixamos unha canción dos Lunnis para cantar e reivindicar...

E se queredes seguir cantando podedes lembrar a canción que escollemos na biblioteca escolar o curso pasado para celebrar este día

E se queres saber máis sobre os dereitos dos nenos e das nenas preme na foto

2009-11-11T19:43:00.003+01:00

CONTOS DO SAMAÍN

Con motivo da celebración do samaín na escola os nenos e nenas de 4º de primaria decidiron escribir "Contos de Medo!" ...

Traballaron en parellas e unha vez decidido o argumento escribírono e colgárono no tendal dos escritos da biblioteca.

Alí quedaron expostos para que todos os ratiños e ratiñas lectoras da escola poidan gozar da súa lectura.

Se ves á biblioteca e queres pasar medo de verdade, non te cortes e descolga estes contos do samaín... pasarás un rato TERRORÍFICO!

2009-10-13T08:15:00.001+02:00

OUTUBRO, BIBLIOTECAS ESCOLARES E SORRISOS

O curso pasado o noso proxecto para a biblioteca escolar titulouse "Ler as emocións, emocionarse ao ler", unha das actividades principais foi a lectura por niveis de tres coleccións de libros que se centraban no tratamento das emocións.

Ao final do curso decidimos pedir aos ratiños e ratiñas lectoras do colexio que plasmaran en papel un dos nosos sentimentos favoritos: A ALEGRÍA, ese sentimento de pracer que se manifesta con signos exteriores... precisamente escollimos o sorriso somo signo exerno de manifestación de felicidade, gozo, ledicia, pracer ou satisfacción como antídoto para o desgusto, pena, pesar ou tristeza... por que consideramos que así teñen que medrar os nosos nenos e nenas, e queremos que a biblioteca escolar colabore na formación de nenos felices e seguros de si mesmos.

Aquí tendes un vídeo que recolle un ronsel de sorrisos acompañados da canción de Rosana titulada "Sonríe" na que nos invita a ver o lado positivo das cousas.

FELIZ CURSO! FELICES LECTURAS!

2009-10-08T12:27:00.003+02:00

OUTUBRO, MES DAS BIBLIOTECAS ESCOLARES

Iniciamos un novo curso na nosa BIBLIOTECA ESCOLAR, o 3º xa dentro do Plan de Mellora de Bibliotecas Escolares, e aproveitamos a ocasión para presentar o cartel deseñado por Miguelanxo Prado para conmemorar o mes de outubro, elixido como Mes das Bibliotecas Escolares...

A biblioteca escolar como unha porta de entrada a todo tipo de lecturas, en todo tipo de soportes... como un espazo ideal para achegarnos á lectura informativa ou á lectura pracenteira da poesía, do teatro, do comic...

Un espazo onde ler a letra impresa no papel ou na pantalla dun ordenador, escoitar un audio e trasladarnos a outros lugares navegando pola rede.

No colexio intentaremos aproveitar este mes de outubro para estrear a nosa nova e flamante biblioteca e dar a coñecer todas as súas posibilidades aos ratiños e ratiñas lectoras da nosa escola e ás súas familias.

Desde o equipo de biblioteca desexámosvos un feliz comezo de curso cheo de felices lecturas!

NESTE VERÁN...

2009-07-06T13:41:00.003+02:00

MOITOS LIBROS LERÁS....

Esa é a recomendación do noso ratiño e da nosa ratiña de biblioteca, como vedes eles dan exemplo e ademais de gozar co sol e os baños na praia non esquecen a súa actividade favorita: Devorar libros!

Pasade unhas moi felices vacacións cunhas moi felices lecturas, vémonos en setembro para inaugurar a nosa nova biblioteca.

AS LINGUAS SUMAN

2009-06-12T23:51:00.000+02:00

Triptico as Linguas Suman

Publish at Scribd or explore others: How-to-Guides & Manu

NESTES MOMENTOS DIFÍCILES PARA O GALEGO...

2009-06-11T20:45:00.003+02:00

Achegámosvos un extracto do manifesto sobre a lingua feito público polo Colexio Oficial de Psicoloxía de Galicia. e publicado en www.vieiros.com

"O galego é meu, o galego é noso, é de todos e todas. O galego é do que o fala, e é tamén do que aínda non o fala, ou do que xa non o fala... O galego é daquel que o ama e mesmo daquel que o odia, se é que hai algunha persoa que tal sinta polo seu patrimonio herdado... Porque, ao final, que é o galego? O galego é o máis valioso dos nosos tesouros inmateriais, xunto coa música que tamén é outro tesouro. Realmente é difícil ver o valor de certas cousas até que sentimos a súa carencia, a súa falta, cando xa é tarde... Hoxe é tal vez tarde para recuperar a lagoa de Antela, a lagoa que hoxe a ninguén se lle ocorrería desprotexer, mais iso nos anos 50 non se viu. Hoxe é tarde para recuperar o que foi destruído, mais non é tarde para aprender deses erros e protexer o que nos resta. A ninguén, non seu san xuízo, se lle ocorrería desprotexer a catedral de Santiago, e sen ir tan lonxe, a ninguén se lle ocorrería desprotexer a arte e arquitectura da cidade de pedra compostelá... Mesmo indo contra a suposta liberdade individual dos propietarios e propietarias dos inmóbeis da zona histórica, todos e todas concordamos en que hai que protexer o que é patrimonio común... E a lingua? Acaso a nosa lingua non merece o mesmo que as nosas pedras? Ela é patrimonio de todos e todas nós, e non só... ela é tamén patrimonio de todo o Estado, e da humanidade enteira. Entón, non merece o mesmo esforzo de protección? (...) Desde este Colexio Profesional queremos tamén advertir da importancia que a integración do pasado ten para o benestar presente e futuro das persoas. Un pobo que, non por vontade, porque se algo demostrou o pobo galego foi aprecio e lealdade á súa lingua é un pobo condenado a non saber quen é... E un pobo, ou unha persoa, que non sabe quen é, non pode contribuír con nada de orixinal ao destino da humanidade. Porque a universalidade do saber non vén da maior ou menor extensión dese coñecemento, senón da profundidade á que somos capaces de chegar co noso saber". (...) E como di a poeta e psicóloga Concha Rousia, "Quando morren o último falante de uma língua morre um sonho da Humanidade". Porque as linguas son todas obras marabillosas da Humanidade, dignas de seren protexidas, e a nosa non pode ser menos. Polo tanto de nós, dos nosos gobernos, depende pois que ese soño non esmoreza"

O baúl dos contos...

2009-06-08T08:00:00.001+02:00

...deixou unha sorpresa...!

O libro "O incrible neno devorador de libros" escrito por Oliver Jeffers e editado por patasdepeixe cóntanos unha historia sorprendente...Ao neno Henry encantábanlle os libros, pero no como a calqueira ratiño ou ratiña de biblioteca, a el... encantáballe... COMELOS!

O libro paseou polo colexio de aula en aula e os nenos e nenas (que tamén acostuman a devorar libros) do primeiro ciclo fixeron un mural que colgamos na biblioteca cos debuxos que fixeron inspirados pola súa lectura.

5 DE XUÑO...

2009-06-05T08:00:00.004+02:00

... DÍA MUNDIAL DO MEDIO AMBIENTE

O Día Mundial do Medio Ambiente conmemórase o 5 de xuño coa finalidade de concienciar sobre a necesidade de coidar o noso entorno natural. O seguinte vídeo é breve pero moi clarificador, cada acción dos seres humanos sobre a natureza ten consecuencias. As fichas de dominó que caen e empuxan á seguinte poden acabar por golpearnos a nós.

Concurso...

2009-05-27T20:26:00.004+02:00

. . . De Cartel e Lema de Animación á lectura

Durante o mes de abril propuxemos un concurso de creación de cartel e lema con ordenador que tiña como finalidade a animación á lectura.

Moitos ratiños e ratiñas da escola participaron e o resultado final podedes velo neste vídeo.

Como estaba establecido nas bases, haberá premios para os mellores e serán entregados na festa de fin de curso.

Día das Letras Galegas

2009-05-17T09:43:00.002+02:00

TEMOS NA BOCA PALABRAS MILENARIAS,

usémolas pois....

Coñecimos este vídeo a través do Recanto de Mik, e encantounos para celebrar este Día das Letras Galegas 2009.

Canta emoción...

2009-05-15T22:17:00.005+02:00

CANTA EMOCIÓN ... sentimos hoxe no colexio!

Desde o equipo de biblioteca queremos destacar o impresionante traballo que leva a cabo a responsable do equipo de Normalización Lingüística do noso centro. Xa estabamos acostumados aos seus traballos na Semana Cultural de Maio, pero este ano...este ano a emoción podía sentirse mentras visionabamos á montaxe na honra de Ramón Piñeiro...canta sensibilidade neste vídeo, no teatro,no conto viaxeiro, no díptico sobre o homenaxeado, nos diálogos dos presentadores...

Moitas grazas, Ángeles por que hoxe realmente o colexio foi unha festa das letras galegas.

Desde este blog non nos cansamos de recomendar que visitedes o blog de normalización por que a nosa cordinadora está a facer un traballo realmente impresionante.

2009-05-15T07:20:00.004+02:00

RAMÓN PIÑEIRO

A través da Biblioteca do Colexio de Cervo coñecimos este interesantísimo vídeo sobre a vida e obra do homenaxeado nas letras galegas 2009. Nel aparecen feitos narrados con voces de nenos e nenas e foi realizado polo ENL do CEIP Rosalía de Castro de Xinzo de Limia. Un fantástico traballo co que aprender máis sobre Ramón Piñeiro.

2009-05-12T19:10:00.005+02:00

GUÍA DE LECTURAS "MAIO, MES DAS LETRAS"

2009-05-09T17:07:00.002+02:00

"O RAP DA LINGUA" (MIGALLAS)

O mes de maio é un mes realmente especial para a nosa lingua. O grupo Migallas compuxo este rap para que todos e todas nos animemos a falar en galego sen vergoña, sen medo...orgullosos e orgullosas de facelo.

Este rap está incluído no disco "Canta connosco" que sabemos que aos ratiños e ratiñas lectoras da escola lles encanta.

Para que rapeedes sen parar...! Aquí tendes....! "O rap da lingua". Podedes visitar o blog de normalización se queredes rapear tamén a poesía de Celso Emilio Ferreiro DEITADO FRENTE AO MAR.

2009-05-08T07:59:00.001+02:00

PROGRAMA PARA A SEMANA CULTURAL

Como en cursos anteriores a "SEMANA CULTURAL" ven cargadiña de actividades máis que interesantes. Aquí tendes o máis destacado do programa que se levará a cabo entre o luns 11 e o venres 15 de maio.

III CICLO DE CINE EN GALEGO
ILUSTRADOR:ANXO FARIÑA
PREMIOS CERTAME LITERARIO
CONTACONTOS
TEATRO
ACTUACIÓN DO GRUPO MIGALLAS
PREMIOS CONCURSO CARTEL E LEMA
CONTOS CANTADOS

Ademais os ratiños e ratiñas da escola están máis que afanados resolvendo a webquest sobre o homenaxeado deste ano: Ramón Piñeiro e están realizando un interesantísimo traballo de investigación sobre a toponimia tradicional do noso concello que promove o equipo de normalización lingüística do colexio.

FELIZ SEMANA CULTURAL! FELIZ MAIO, MES DAS LETRAS!

2009-05-06T20:39:00.003+02:00

MAIO, MES DAS LETRAS:

"EN GALEGO TES TODO POR VIVIR"

Como xa sabedes, o mes de maio é un mes especial para a nosa lingua, neste vídeo propoñen un xogo e todos/as temos a responsabilidade de continualo, de que non pare.

Segue o xogo por que ....EN GALEGO, TES TODO POR VIVIR!

2009-05-04T08:00:00.008+02:00

WEBQUEST RAMÓN PIÑEIRO

Desde o Equipo de Normalización Lingüística do colexio propóñennos un novo traballo de investigación. Nós como somos ratiños e ratiñas investigadores non teremos reparos en aceptar a invitación e poñernos a resolver as cuestións que nos plantexen.

A webquest está centrada na figura de RAMÓN PIÑEIRO, persoerio a quen este ano lle adican a celebración do "Día das Letras Galegas", que como xa sabedes, celebramos todos os 17 de maio; e é a actividade coa que inauguramos a programación de actividades para "MAIO, MES DAS LETRAS"

No blog de normalización teñen colgado enlaces sobre o homenaxeado deste ano así que se vos apetece coñecer a súa figura non dubidedes en facerlle unha visita.

FELIZ INVESTIGACIÓN!

2009-04-30T08:15:00.006+02:00

VISITA Á BIBLIOTECA MUNICIPAL DE MOS

Nesta semana final de abril todos o alumnado do colexio visitamos a Biblioteca Municipal do noso concello, Mos. As bibliotecarias, Viki e Diana, foron moi amables e regaláronnos un libro a cada neno e nena. Ademais fixémonos socios/as e entregáronnos os carnets de usuarios para poder facer préstamos dos fondos da biblioteca municipal.

Durante a visita explicáronnos como funciona a biblioteca, que servizos ofrece e que materiais podemos levar

Tamén nos contaron un conto...resultou ser unha visita fantástica!

Nós tamén quixemos facer un regalo á biblioteca de Mos así que levamos exemplares dos contos viaxeiros que comezamos a facer hai catro cursos.

Deste xeito todos os nenos e nenas do concello poderán levalos prestados para ler nas súas casas.

Por certo, xa está colgado o conto correspondente a este curso que se titula "UNHA AVENTURA INCREIBLE". Se queredes lelo premedede no enlace do noso blog de normalización.

http://mestremartineznormalizacion.blogspot.com/

2009-04-28T20:48:00.011+02:00

AS LINGUAS DA ESCOLA

Hoxe Ratiño e Ratiña deixaron un regalo moi especial para as familias do colexio. Os dous saben que no colexio hai familias que viñeron de outras comunidades e incluso doutros paises a vivir ao Concello de Mos. Saben tamén que nestas familias fálanse linguas moi diferentes, así que decidiron montar unha estantería con libros nos idiomas que se falan nos lugares de orixen destas familias. Nós sabemos que a chegada de nenos e nenas con idiomas e culturas diferentes á nosa enriquece a nosa escola, e neste caso enriquece tamén á nosa biblioteca escolar.
A biblioteca quere que estas familias poidan levar en préstamo materiais nas súas linguas, polo momento a cantidade de fondos é moi modesta pero irémola incrementando pouco a pouco. Aproveitade para escoitar a fermosa canción cantada en portugués e titulada "TODAS AS LINGUAS" .

ESTANTERÍA DAS LINGUAS DA ESCOLA

2009-04-23T08:13:00.003+02:00

23 DE ABRIL "DÍA MUNDIAL DO LIBRO E DOS DEREITOS DE AUTOR 2009"

Como en conmemoracións anteriores, desde o IES Río Cabe de Monforte, chéganos un extraordinario cartel. Nesta ocasión as creadoras inspíranse no poder dos libros e da lectura para protexerse de todo o negativo.

Ante unha unhas gotas de chuvia nociva abramos o noso paraugas de cultura, para protexernos a nós mesmos e aos demais.

Nesta celebración que ten por protagonistas aos libros aproveitemos tamén para ler versos fermosos "Versos a moreas..." , un regalo da poeta Gloria Sánchez para as Bibliotecas Escolares de Galicia no Día Múndial do Libro e dos Dereitos de Autor 2009.

2009-04-22T22:00:00.002+02:00

ABRIL, MES DOS LIBROS:CONTO VIAXEIRO 08/09

Por fin chegou o día! despois de meses de viaxar por todas as aulas da escola a aventura do conto viaxeiro chegou ao seu fin.

Presentamos o 23 de abril "Día Mundial do Libro" unha nova edición do conto viaxeiro. Este ano baixo o título "UNHA AVENTURA INCRIBLE" ve a luz unha nova obra colectiva que pasará a formar parte dos fondos da nosa biblioteca escolar e que como en anos anteriores non dubidamos que vai ser moi solicitada como préstamo polos ratiños e ratiñas lectoras do noso centro.

A presentación terá lugar o xoves 23 de abril ás 11:00h e como en anos anteriores os nenos e nenas de 6º actuarán como narradores do conto.
Este ano participaron na elaboración do conto os nenos do CEIP O Carballal no que estamos aloxados provisionalmente mentres non rematan as obras do noso flamante cole novo.

Ademais como novidade regalaremos un exemplar do conto viaxeiro na visita que a próxima semana faremos á Biblioteca Municipal de Mos dentro das actividades de formación de usuarios programadas pola nosa biblioteca.

2009-04-19T21:02:00.013+02:00

ABRIL, MES DOS LIBROS: CINE NA BIBLIOTECA

Ratiño e Ratiña de biblioteca deixaron nas aulas entradas para o cine, cada grupo debe ler con atención para saber que día e a que hora comezará a proxección.

A peli que imos ver titúlase DONKEY XOTE e está inspirada no libro "El ingenioso hidalgo Don Quijote de La Mancha" de Miguel de Cervantes. Con esta proxección queremos celebrar na biblioteca o "DÍA INTERNACIONAL DO LIBRO" que como todos os anos se conmemora o 23 de abril.

AS SESIÓNS DE CINE SON AS SEGUINTES:
Mércores 22 de abril 2º ciclo 12:15h.
Xoves 23 de abril 1º ciclo 12:15h.
Venres 24 de abril 3º ciclo 10:00h.

2009-04-18T10:20:00.002+02:00

ABRIL, MES DOS LIBROS: ABRE UN LIBRO

Porque nos permiten convertirnos no que nós imaxinemos, porque podemos viaxar sen sair da habitación, porque nos conmoven e transforman.....ABRE UN LIBRO!

2009-04-15T21:55:00.006+02:00

ABRIL, MES DOS LIBROS: Arte, lectura e expresión escrita.

Os nenos e nenas de 4º realizaron un traballo moi interesante producindo textos a partir dunha seleción cadros. Esta experiencia coincidiu coa visita ao museo de arte contemporáneo de Vigo, o museo MARCO. Neste vídeo podedes ver o resultado desta experiencia tan orixinal.

Como elemento motivador á visita ao museo Marco na biblioteca puxemos a disposición de todos os ratiños e ratiñas lectoras da escola o libro: "¡Devoramos pinturas! Una visita al museo de arte contemporáneo" da editorial Blume. Aquí podedes ver ás nosas mascotas facendo a súa actividade favorita, devorar libros.